സിജി എജ്യുക്കേഷൻ അവാർഡ് ഒരു ലക്ഷം രൂപ ഡോ .കെ .കെ .എൻ കുറുപ്പിന്

 സിജി എജ്യുക്കേഷൻ അവാർഡ് ഒരു ലക്ഷം രൂപ ഡോ .കെ .കെ .എൻ കുറുപ്പിന് 

 കോഴിക്കോട് :സിജിയുടെ ( സെന്റർ ഫോർ ഇൻഫോർമേഷൻ ആൻഡ് ഗൈഡൻസ് ഇന്ത്യ ) സ്ഥാപക പ്രസിഡന്റ് ഡോ. കെ.എം.അബൂബക്കർ സാറിന്റെ ഓർമ്മയ്ക്കായി ഏർപ്പെടുത്തിയ വിദ്യാഭ്യാസ അവാർഡ് (ഒരുലക്ഷം രൂപ ) പ്രശസ്ത ചരിത്രകാരനും കാലിക്കറ്റ് യൂണിവേഴ്സിറ്റി മുൻ വൈസ് ചാൻസലറുമായ പ്രൊഫ. ഡോ. കെ.കെ.എൻ. കുറുപ്പ് അർഹനായി .

വിദ്യാഭ്യാസ മേഖലയിൽ വിശേഷിച്ചു സമൂഹത്തിലെ അരികുവൽക്ക രിക്കപ്പെട്ടവരുടെ കാര്യങ്ങളിൽ അദ്ദേഹം നൽകിക്കൊണ്ടിരിക്കുന്ന സംഭാവനകളെ മാനിച്ചു കൊണ്ടാണ് സിജിയുടെ പ്രഥമ പുരസ്‌കാരം നൽകപ്പെടുന്നത്.

പുരസ്കാര സമർപ്പണ ചടങ്ങ് കോഴിക്കോട് ചേവായൂർ ഗോൾഫ് ലിങ്ക് റോഡിലുള്ള സിജി ക്യാമ്പസ്സിൽ 2025 നവംബർ 16 ഞായറാഴ്ച ഉച്ചയ്ക്ക് 2 മണിക്ക് വിദ്യാഭ്യാസ രംഗത്തെ പ്രമുഖർ സംബന്ധിക്കുന്ന സെമിനാറോട് കൂടി ആരംഭിക്കും. ആദരണീയനായ പാണക്കാട് സയ്യിദ് സാദിഖ് അലി ശിഹാബ് തങ്ങൾ പുരസ്കാരം സമ്മാനിക്കും. പി വി അബ്ദുൽ വഹാബ് എം. പി അബൂബക്കർ സർ അനുസ്മരണ ഭാഷണം നടത്തും. പ്രമുഖ വ്യവസായി പി.കെ അഹമ്മദ്, മാതൃഭൂമി മാനേജിങ് ഡയറക്ടർ എം. വി ശ്രേയാംസ്‌ കുമാർ, കാലടി ശ്രീ ശങ്കരാചാര്യ യൂണിവേഴ്സിറ്റി വൈസ് ചാൻസലർ പ്രൊഫ. ഡോ. കെ. കെ ഗീതാകുമാരി, കേരള മാപ്പിള കലാ അക്കാദമി ചെയർമാൻ പ്രൊഫ. ഡോ. ഹുസൈൻ രണ്ടത്താണി തുടങ്ങിയവർ ചടങ്ങിൽ സംബന്ധിക്കും.

വിശിഷ്ട വ്യക്തിത്വങ്ങളുടെ സാന്നിധ്യം കൊണ്ട് അനുഗ്രഹീതമാകുന്ന ഈ സുപ്രധാന ചടങ്ങിലേക്ക് ഏവരെയും ഹൃദയപൂർവ്വം സ്വാഗതം ചെയ്യുന്നു.