വോട്ടിങ് മെഷീനിൽ സ്‌കൂൾ പാർലമെൻ്റ് വോട്ടെടുപ്പ്

പൊൻകുന്നം കുട്ടികളിലേക്ക് ജനാധിപത്യത്തിന്റെ മഹത്വവും തിരഞ്ഞെടുപ്പ് പ്രക്രിയയും എത്തിക്കുവാനായി തുടർച്ചയായി നാലാംവർഷവും പൊൻകുന്നം എസ്ഡി യുപി സ്കൂകൂളിൽ വോട്ടിങ് മെഷീനിൽ വോട്ട് ചെയ്ത് സ്കൂ‌ൾ പാർലമെന്റ് തിരഞ്ഞെടുപ്പ് നടത്തി. കുട്ടികളുടെ സഹായത്തോടെ തയാറാക്കിയ വോട്ടിങ് മെഷീൻ ഉപയോഗിച്ച് നടത്തിയ തിരഞ്ഞെടുപ്പിൽ 180-ലേറെ കുട്ടികൾ വോട്ട് രേഖപ്പെടുത്തി. സ്‌കൂൾ ലീഡറായി ഭഗത് കൃഷ്‌ണയും അസിസ്റ്റൻ്റ് ലീഡർ ആയി ഏയ്ഞ്ചല സെബാസ്റ്റ്യനും വിവിധ ക്ലബുകളുടെ സെക്രട്ടറി ആയി ജോണ ജോജിയും തിരഞ്ഞെടുക്കപ്പെട്ടു. കുട്ടികൾ തന്നെയാണ് പോളിങ് ബൂത്ത്, കൗണ്ടിങ് സ്റ്റേഷൻ എന്നിവയും ഒരുക്കിയത്. പ്രഥമാധ്യാപിക സുമ പി.നായരും അധ്യാപകരും നേതൃത്വം വഹിച്ചു.