പൂക്കളും പൂമ്പാറ്റകളുമായി വാളൽ യുപി സ്‌കൂളിൽ ശലഭോദ്യാനം

കോട്ടത്തറ : പൂക്കളെയും പൂമ്പാറ്റകളെയും കണ്ട് കുട്ടികൾക്ക് പ്രകൃതിയെ അടുത്തറിയാനായി വാളൽ യുപി സ്‌കൂളിൽ ശലഭോദ്യാനമൊരുക്കി. 'മാതൃഭൂമി' സീഡ് ക്ലബ്ബും ജെആർസി യൂണിറ്റും ചേർന്നാണ് സ്‌കൂൾ അങ്കണത്തിൽ ശലഭോദ്യാനമൊരുക്കിയത്.

പൂമ്പാറ്റകൾ സ്ഥിരമായി കാണപ്പെടുന്നതും മുട്ടയിടുന്നതുമായ ചെടികളാണ് ശലഭോദ്യാനത്തിൽ കൂടുതൽ നട്ടത്. കോട്ടത്തറ കൃഷി ഓഫീസർ ബിബിൻ പൗലോസ് ഉദ്‌ഘാടനംചെയ്‌തു. ശലഭങ്ങളെ നിരീക്ഷിക്കേണ്ട രീതികളെക്കുറിച്ച് അദ്ദേഹം ക്ലാസെടുത്തു.

കോട്ടത്തറ ഗ്രാമപ്പഞ്ചായത്ത് പ്രസിഡന്റ് പി.പി. റെനീഷ്, പഞ്ചായത്തംഗങ്ങളായ ആൻറണി ജോർജ്, പുഷ്‌പ, പ്രധാനാധ്യാപകൻ തോമസ് പി. വർഗീസ്, സ്റ്റാഫ് സെക്രട്ടറി വി.ടി. ഷൈജുരാജ്, എ.പി. സാലിഹ്, കെ.എം. ഫസീല, നീതു മാസ്രോൾ, മാതൃഭൂമി സീഡ് കോഡിനേറ്റർ കെ.എസ്. അനൂപ്‌കുമാർ തുടങ്ങിയവർ സംസാരിച്ചു.