അധ്യയനവർഷത്തെ വരവേറ്റ് ബഡ്‌സ് സ്‌കൂൾ കുട്ടികൾ

കാസർകോട്: അധ്യയനവർഷാരംഭം ആഘോഷമാക്കി കാസർകോട് നഗരസഭഭാരത് ബിആർസി ബഡ്‌സ് സ്‌കൂൾ കുട്ടികൾ കുടുംബശ്രീ ജില്ലാമിഷൻ, നഗരസഭ കുടുംബശ്രീ സിഡിഎസ് നേതൃത്വത്തിൽ വനിതാഭവൻ ഹാളിലാണ് പ്രവേശനോത്സവം നടത്തിയത്. നഗരസഭാധ്യക്ഷൻ അബ്ബാസ് ബീഗം ഉദ്ഘാടനം ചെയ്തു. സിഡിഎസ് ചെയർപേഴ്‌സൺ ആയിഷ ഇബ്രാഹിം അധ്യക്ഷയായി.

സ്ഥിരംസമിതി അധ്യക്ഷൻമാരായ സഹീർ ആസിഫ്, ഖാലിദ് പച്ചക്കാട്, സിയാന ഹനീഫ്, വാർഡ് കൗൺസിലർ രഞ്ജിത, മുനിസിപ്പൽ സെക്രട്ടറി ജലീൽ, സിഡിഎസ് വൈസ് ചെയർപേഴ്‌സൺ ഷക്കീല മജീദ്, ബ്ലോക്ക് കോഡിനേറ്റർ റെനീഷ, സാമൂഹ്യ വികസന കൺവീനർ ഷാഹിദ യൂസഫ്, അധ്യാപിക ശില്ല എന്നിവർ സംസാരിച്ചു. മുസ്‌ലിം സർവീസ് സൊസൈറ്റി സംഭാവനചെയ്ത കുട്ടികൾക്കുള്ള പഠനോപകരണങ്ങൾ ചടങ്ങിൽ വിതരണം ചെയ്തു.