സ്കൗട്ട് ആൻഡ് ഗൈഡ്‌സ് ബഹുമതി നേടിയവരെ അനുമോദിച്ചു

രാമനാട്ടുകര : 2023-25 അധ്യയനവർഷത്തെ ജില്ലാ സ്കൗട്ട് ആൻഡ് ഗൈഡ്‌സ് പുരസ്കാരം നേടിയവരെ അനുമോദിച്ചു. ജില്ലാ സ്കൗട്ട് ആൻഡ് ഗൈഡ്സ് അസോസിയേഷൻ ഫറോക്ക് ലോക്കൽ അസോസിയേഷനും ചേർന്നാണ് പരിപാടി സംഘടിപ്പിച്ചത്.

സേവാമന്ദിരം ഹയർ സെക്കൻഡറി സ്‌കൂൾ പ്രിൻസിപ്പൽ കെ.വി. ശ്രീരഞ്ജിനി ഉദ്ഘാടനം ചെയ്തു. പിടിഎ പ്രസിഡൻ്റ് എ.വി. അനിൽകുമാർ അധ്യക്ഷത വഹിച്ചു. ജില്ലയിൽ ഗൈഡ്‌സ് വിഭാഗത്തിൽ ഒന്നാംസ്ഥാനം നേടിയ സേവാമന്ദിരത്തിനുവേണ്ടി ക്യാപ്റ്റൻ വി. ഷൈനിയും സ്ക‌ൗട്ടിൽ ഒന്നാംസ്ഥാനം നേടിയ തലക്കുളത്തൂർ സിഎംഎംഎച്ച്എസ്എസിനുവേണ്ടി ഡിസ്ട്രിക്ട‌് കമ്മിഷണർ പി. മുഹമ്മദ് ഷെഫിനും റോവർ വിഭാഗത്തിൽ ഒന്നാംസ്ഥാനം നേടിയ കുണ്ടൂപ്പറമ്പ് ഗവ. എച്ച്.എസ്.എസിനുവേണ്ടി പ്രിൻസിപ്പൽ വി.ആർ. അനൂപും പുരസ്ക്‌കാരങ്ങൾ ഏറ്റുവാങ്ങി.

വാർഡ് കൗൺസിലർ പി.കെ. അഫ്‌സൽ, ഗൈഡ്‌സ് ഡിസ്ട്രിക്‌ട് കമ്മിഷണർ വി വിശാലാക്ഷി, വി.എം. മായ, പി.ടി. അനുപമ, സി. ഉദയചന്ദ്രൻ, ജ്യോതബാസു പ്രിയേഷ് വാസുദേവ്, എം.സി. സൈഫുദ്ദീൻ എന്നിവർ സംസാരിച്ചു.