ഉന്നതവിദ്യാഭ്യാസരംഗം കടന്നുപോകുന്നത് വലിയ മാറ്റങ്ങളിലൂടെ -കെ. ജയകുമാർ

പത്തനംതിട്ട: സാങ്കേതിവിദ്യയുടെ അതിസങ്കീർണമായ കുതിച്ചുപാട്ടം

ഉണ്ടാവുന്ന ഈ കാലഘട്ടത്തിൽ ഉന്നതവിദ്യാഭ്യാസരംഗം വലിയ മാറ്റങ്ങളിലൂടെയാണ് കടന്നുപോകുന്നതെന്ന് മുൻ ചീഫ് സെക്രട്ടറിയും കേരള ഗവൺമെന്റ് മാനേജ്‌മെൻ്റ് ഇൻസ്റ്റിറ്റ്യൂട്ടിൻ്റെ ഡയറക്‌ടറുമായ കെ. ജയകുമാർ പറഞ്ഞു. കാതോലിക്കേറ്റ് കോളേജ് പിടിഎ അസോസിയേഷൻ മീറ്റിങ്ങും പ്രതിഭാസംഗമവും ഉദ്ഘാടനം ചെയ്യുകയായിരുന്നു അദ്ദേഹം. കോളേജ് പ്രിൻസിപ്പൽ ഡോ. സിന്ധു ജോൺസ് അധ്യക്ഷതവഹിച്ചു.

പിടിഎ പ്രസിഡന്റ് ഷാനു ഫിലിപ്പ്, സെക്രട്ടറി ഡോ. പ്രീതി സൂസൻ തോമസ്, കോളേജ് വൈസ് പ്രിൻസിപ്പൽ ഡോ. സ്‌മിത സാറ പടിയറ, ബർസാർ ഡോ. ബിനോയ് ടി.തോമസ്, പിടിഎ ജോയിൻ്റ് സെക്രട്ടറി സൂസൻ എബ്രഹാം, എക്സിക്യുട്ടീവ് അംഗം പി.കെ. സുനിൽകുമാർ, കോളേജ് യൂണിയൻ ചെയർപേഴ്സൺ ആർ.വി. രേവതി എന്നിവർ പ്രസംഗിച്ചു. സർവീസിൽനിന്ന് വിരമിക്കുന്ന ഇംഗ്ലീഷ് അധ്യാപികയായ ഡോ. ആശാ ഫിലിപ്പോസിനെ ആദരിച്ചു. ലഹരിവിരുദ്ധ ബോധവത്‌കരണപരിപാടിയുടെ ഭാഗമായി പോലീസിലെ ട്രാഫിക് എൻഫോഴ്സ്മെന്ററ് ഓഫീസർ ഷിബു നാരായണൻ ക്ലാസെടുത്തു.