മതനിരപേക്ഷ ജനാധിപത്യം വിദ്യാഭ്യാസത്തിൻ്റെ ലക്ഷ്യം - പ്രൊഫ. സി. രവീന്ദ്രനാഥ്

പെരുമ്പാവൂർ ആധുനിക വിദ്യാഭ്യാസം മാനവികതയുടെ ഭൂമിക ആണെന്നും മതനിരപേക്ഷ ജനാധിപത്യബോധം ഉത്പാദിപ്പിക്കുന്ന സമൂഹത്തെ സൃഷ്‌ടിക്കുക എന്നതാണ് പൊതുവിദ്യാഭ്യാസത്തിൻ്റെ ലക്ഷ്യമെന്നും മുൻമന്ത്രി പ്രൊഫ. സി. രവീന്ദ്രനാഥ് പറഞ്ഞു.

കേരള സ്റ്റേറ്റ് സർവീസ് പെൻഷനേഴ്‌സ് യൂണിയൻ 33-ാം സംസ്ഥാന സമ്മേളനത്തോടനുബന്ധിച്ച് വാഴക്കുളം, പെരുമ്പാവൂർ, കൂവപ്പടി ബ്ലോക്കുകൾ സംഘടിപ്പിച്ച 'വിദ്യാഭ്യാസ രംഗത്തെ ആധുനികവത്കരണം' സെമിനാർ ഉദ്ഘാടനം ചെയ്യുകയായിരുന്നു അദ്ദേഹം.

മുനിസിപ്പൽ ചെയർമാൻ പോൾ പാത്തിക്കൽ അധ്യക്ഷത വഹിച്ചു.

മുൻ എംഎൽഎ സാജു പോൾ മുഖ്യപ്രഭാഷണം നടത്തി. സംസ്ഥാന സെക്രട്ടറി കെ. മോഹനൻ, സംസ്ഥാന കമ്മിറ്റി അംഗങ്ങളായ പി.വി. സുകുമാരൻ, ശിവരാമൻ, ജില്ലാ സെക്രട്ടറി സി.കെ. ഗിരി, ജില്ലാ ട്രഷറർ പി. ഇന്ദിര, എം.എ. ശ്രീധരൻ നായർ എന്നിവർ പങ്കെടുത്തു.