മണീടിൽ അന്താരാഷ്ട്ര ചലച്ചിത്രമേള തുടങ്ങി

പിറവം : മണീട് ഫൈൻ ആർട്‌സ് സൊസൈറ്റിയുടെ ആഭിമുഖ്യത്തിൽ മണീടിൽ അന്താരാഷ്ട്ര ചലച്ചിത്രമേള തുടങ്ങി. മൂവാറ്റുപുഴ ഫിലിം സൊസൈറ്റിയുടെ സഹകരണത്തോടെ മണീട് അംബേദ്‌കർ കമ്യൂണിറ്റി ഹാളിലാണ് ചലച്ചിത്രോത്സവം. സിനിമാ മേക്കപ്പ് ആർട്ടിസ്റ്റ് പട്ടണം റഷീദ് ഉദ്ഘാടനം ചെയ്‌തു. ഫൈൻ ആർട്‌സ് സൊസൈറ്റി പ്രസിഡന്റ് നെച്ചൂർ ആർ. രതീശൻ അധ്യക്ഷനായി.

മണീട് ഗ്രാമപ്പഞ്ചായത്ത് പ്രസിഡന്റ് പോൾ വർഗീസ്, ഫൈൻ ആർട്‌സ് സൊസൈറ്റി സെക്രട്ടറി പി.ജി. ഗോവിന്ദൻ നമ്പൂതിരി, മൂവാറ്റുപുഴ ഫിലിം സൊസൈറ്റി ജനറൽ സെക്രട്ടറി ഡി. പ്രേംനാഥ്, കെ.പി. ജയറാം എന്നിവർ സംസാരിച്ചു. എം.ടി. വാസുദേവൻ നായരോടുള്ള ആദരസൂചകമായി ആദ്യ ദിവസം 'നിർമാല്യം' പ്രദർശിപ്പിച്ചു. ഇന്ത്യൻ സിനിമാ വിഭാഗത്തിൽ സത്യജിത് റായിയുടെ 'പഥേർ പാഞ്ചാലി', വ്യാഴാഴ്‌ച പ്രദർശിപ്പിക്കും. ലോക സിനിമാവിഭാഗത്തിൽ ഇറ്റാലിയൻ സംവിധായകൻ മറ്റിയോ ഗരോണിന്റെ 'ഇയോ കപ്പിതാനോ', വെള്ളിയാഴ്ച്‌ച കാണാം. ഇറാനിയൻ സംവിധായകൻ കളർ ഓഫ് പാരഡൈസാണ് മേളയിൽ പ്രദർശിപ്പിച്ച മറ്റൊരു സനിമ. മേള 24-ന് സമാപിക്കും.