പടം ഹിറ്റാകാൻ പ്രാർഥനയുമായിതല ഫാൻസ്

ശബരിമല : പ്രിയനടന്റെ പടം ഹിറ്റാകണമെന്ന പ്രാർഥനയോടെ ഫസ്റ്റ് ലുക്ക് പോസ്റ്ററുമായി ആരാധകർ ശബരിമലയിൽ. പ്രശസ്ത തമിഴ്‌നടൻ അജിത്തിന്റെ ആരാധകരാണ് തങ്ങളുടെ പ്രിയപ്പെട്ട ‘തല’യുടെ പുതിയ ചിത്രം ‘വിടാമുയർച്ചി’യുടെ ഫസ്റ്റ് ലുക്ക് പോസ്റ്ററുമായി അയ്യപ്പന് മുൻപിലെത്തിയത്.

ഫസ്റ്റ് ലുക്ക് പോസ്റ്റർ പ്രിന്റുചെയ്ത ​െഫ്ലക്സുമായാണ് ഇവരെത്തിയത്. തമിഴ്നാട് കല്ലൂരിൽനിന്നാണ് 30-അംഗ സംഘമെത്തിയത്. പടം വിജയിക്കാൻ പ്രാർഥന നടത്തിയതായി അംഗങ്ങളായ ധൻരാജ്, ശബരി, വിഘ്നേശ് എന്നിവർ പറഞ്ഞു. ‘കടവുളേ അജിത്തേ ഉയിരേ അജിത്തേ...’ സന്നിധാനത്തിന് താഴെ അവർ നടനെയും വാഴ്‌ത്തി. അജിത് നായകനാകുന്ന വിടാമുയർച്ചി ഉടൻ റിലീസാകും.