നെടുങ്കണ്ടത്ത് ഷോർട്ട് ഫിലിം ഫെസ്റ്റിവെൽ

നെടുങ്കണ്ടം: കെ.സി.വൈ.എം. നടത്തുന്ന സുവിശേഷോത്സവത്തിന്റെ ഭാഗമായി മഞ്ഞപ്പെട്ടി സെയ്ന്റ് മേരീസ് പള്ളിയിൽ ഷോർട്ട് ഫിലിം ഫെസ്റ്റിവൽ സംഘടിപ്പിച്ചു.

കെ.സി.വൈ.എം. നെടുങ്കണ്ടം-പാറത്തോട് മേഖലയുടെ നേതൃത്വത്തിലാണ് ഷോർട്ട് ഫിലിം ഫെസ്റ്റിവൽ നടത്തിയത്.

മൂന്ന് ദിവസങ്ങളിലായി നടന്ന മേളയിൽ യുവതലമുറയ്ക്ക് മൂല്യബോധം നൽകുന്നതും കുട്ടികളെ സാമൂഹ്യ തിന്മകളിൽനിന്ന് അകറ്റുന്നതുമായ സന്ദേശങ്ങൾ ഉൾക്കൊള്ളുന്നതും പ്രതിസന്ധികളെ തരണം ചെയ്യാൻ പ്രചോദനമാകുന്നതുമായ പത്ത് ഷോർട്ട് ഫിലിമുകൾ പ്രദർശിപ്പിച്ചു.

കെ.സി.വൈ.എം. നെടുങ്കണ്ടം-പാറത്തോട് മേഖലാ ഡയറക്ടർ ഫാ. ഗോഡ്‌സൻ കണ്ണംപ്ലാക്കൽ ഫിലിം ഫെസ്റ്റിവൽ ഉദ്ഘാടനം ചെയ്തു.

ആനിമേറ്റർ സിസ്റ്റർ എസ്. അഞ്ജുറോസ്, മേഖലാ സെക്രട്ടറി സോബിൻ വടക്കേപ്പറമ്പിൽ, എക്‌സിക്യൂട്ടിവ് അംഗങ്ങളായ ഇമ റോസ് റോയ്, അഭയ്, ബിബിൻ തുടങ്ങിയവർ സംസാരിച്ചു.