സൈൻസ് ഹ്രസ്വ ചലച്ചിത്രമേള

ചെറുതുരുത്തി : ഡോക്യുമെൻ്ററികൾക്കും ഷോർട്ട് ഫിലിമുകൾക്കും ജീവിതയാഥാർഥ്യങ്ങളെ പച്ചയായി അവതരിപ്പിക്കാൻ കഴിയണമെന്ന് അസമിലെ വനിതാ ചലച്ചിത്രകാരി മഞ്ജു ബോറ അഭിപ്രായപ്പെട്ടു. ഫെഡറേഷൻ ഓഫ് ഫിലിം സൊസൈറ്റീസ് ഓഫ് ഇന്ത്യ കേരള ഘടകത്തിന്റെ 18-ാമത് എഡിഷൻ സൈൻസ് ഹ്രസ്വചലച്ചിത്ര മേള ഷൊർണൂർ അനുരാഗ് സിനിമാസിൽ ഉദ്ഘാടനം ചെയ്തു‌ പ്രസംഗിക്കുകയായിരുന്നു അവർ. ഷൊർണൂർ മുനിസിപ്പൽ ചെയർപേഴ്സ‌ൺ അഡ്വ. പി. നിർമല അധ്യക്ഷയായി.

ഫെസ്റ്റിവൽ ചെയർമാൻ ടി.വി. ചന്ദ്രൻ, ആർട്ടിസ്റ്റിക് ഡയറക്ട‌ർ പ്രേമേന്ദ്ര മജുംദാർ, കേരള കലാമണ്ഡലം രജിസ്ട്രാർ ഡോ. പി. രാജേഷ്‌കുമാർ, ജൂറി ചെയർമാൻമാരായ ഹോബം പബൻകുമാർ, പി. പ്രേമചന്ദ്രൻ, ദേബാനി ബാനർജി, ചലച്ചിത്രപുരസ്‌കാര ജേതാവ് ബീന ആർ. ചന്ദ്രൻ, ജി.പി. രാമചന്ദ്രൻ, രാജേഷ് ജെയിംസ്, അനന്തകുമാർ, എൻ. ദിനേഷ്ബാബു രാജീവ് പിള്ളത്ത് എന്നിവർ പ്രസംഗിച്ചു.

ഫെബ്രുവരി 10 വരെ നടക്കുന്ന മേളയുടെ ഡെലിഗേറ്റ് പാസിന് നൂറു രൂപയാണ്. വിദ്യാർഥികൾക്ക് പ്രവേശനം സൗജന്യമാണ്.