എം. ബാനിഷിന് അന്താരാഷ്ട്ര പുരസ്കാരം

തേഞ്ഞിപ്പലം : കാഠ്‌മണ്ഡുവിൽ നടന്ന ഏഴാമത് നേപ്പാൾ കൾച്ചർ ഇന്റർനാഷണൽ ഫിലിം ഫെസ്റ്റിവലിൽ കാലിക്കറ്റ് സർവകാശാലാ എജുക്കേഷണൽ മൾട്ടിമീഡിയ റിസർച്ച് സെന്ററിലെ (ഇ.എം.എം.ആർ.സി.) ഛായാഗ്രാഹകൻ എം. ബാനിഷിന് പുരസ്‌കാരം, മികച്ച അന്താരാഷ്ട്ര സിനിമാറ്റോഗ്രഫിക്കുള്ള പുരസ്‌കാരമാണ് ലഭിച്ചത്.

ഇ.എം.എം.ആർ.സി. നിർമിച്ച് സജീദ് നടുത്തൊടി സംവിധാനംചെയ്‌ത 'നേച്ചേഴ്‌സ് ബാൻഡേജ്' എന്ന ഡോക്യുമെന്ററിയിലൂടെയാണ് പുരസ്‌കാരം സ്വന്തമാക്കിയത്.

നേപ്പാൾ കൾച്ചർ ഇൻ്റർനാഷണൽ ഫിലിം ഫെസ്റ്റിവലിന്റെ ജൂറി അംഗവും അർജൻ്റീനിയൻ ചലച്ചിത്രകാരനുമായ ഹോർഹെ കരൊവാറ്റയും നേപ്പാളി നടിയും നിർമാതാവുമായ ദീപശി നിരോളയും ചേർന്നു പുരസ്‌കാരം സമ്മാനിച്ചു.