ശാരദയ്ക്ക് മലയാളസിനിമയുടെ സമ്പന്ന ചരിത്രത്തിനുള്ള ആദരം -മുഖ്യമന്ത്രി

തിരുവനന്തപുരം : കേരളത്തെ സ്വന്തം ജന്മദേശംപോലെ നെഞ്ചിലേറ്റിയ നടി ശാരദയെ ആദരിക്കുന്നത് മലയാളസിനിമയുടെ സമ്പന്നമായ ചരിത്രത്തെ ആദരിക്കലാണെന്ന് മുഖ്യമന്ത്രി പിണറായി വിജയൻ സംസ്ഥാനസർക്കാരിൻ്റെ പരമോന്നത ചലച്ചിത്ര ബഹുമതി ജെ.സി. ഡാനിയേൽ പുരസ്‌കാരം ശാരദയ്ക്ക് സമ്മാനിച്ച് സംസാരിക്കുകയായിരുന്നു അദ്ദേഹം. മലയാളസിനിമയിലേക്ക് ആദ്യമായി മികച്ച നടിക്കുള്ള ദേശീയ അവാർഡ് കൊണ്ടുവന്നത് ശാരദയാണെന്ന് മുഖ്യമന്ത്രി പറഞ്ഞു.

മികച്ചനടിക്കുള്ള പുരസ്ക്‌കാരം ചടങ്ങിൽ ഷംല ഹംസ ഏറ്റുവാങ്ങി. ഭ്രമയുഗ'ത്തിലെ അഭിനയത്തികവിന് മികച്ച നടനുള്ള പുരസ്കാരം നേടിയ മമ്മൂട്ടിക്ക് പദ്‌മഭൂഷൺ കിട്ടിയതിലുള്ള സന്തോഷം മുഖ്യമന്ത്രി വേദിയിൽ പങ്കിട്ടു,

ടൊവിനോ തോമസ്, ആസിഫ് അലി, വേടൻ, ലിജോമോൾ ജോസ്, ജ്യോതിർമയി, സൗബിൻ ഷാഹിർ, സിദ്ധാർഥ് ഭരതൻ, ചിദംബരം, ഫാസിൽ മുഹമ്മദ്, സുഷിൻ ശ്യാം, സമീറ സനീഷ്, സയനോര ഫിലിപ്പ് തുടങ്ങി 51 ചലച്ചിത്രപ്രതിഭകൾക്ക് മുഖ്യമന്ത്രി അവാർഡ് സമ്മാനിച്ചു. നടി പായൽ കപാഡിയക്കുപകരം അവാർഡിന് അർഹമായ സിനിമയിലെ പ്രധാന അഭിനേത്രിമാരായ കനി കുസൃതിയും ദിവ്യപ്രഭയും സംവിധായകൻ അമൽ നീരദിനുപകരം ജ്യോതിർമയിയും ദർശന രാജേന്ദ്രനുപകരം നീരജ രാജേന്ദ്രനും പുരസ്കാരം സ്വീകരിച്ചു. ചടങ്ങിനുശേഷം മികച്ച പിന്നണിഗായകർക്കുള്ള പുരസ്കാരജേതാക്കളായ കെ.എസ്. ഹരിശങ്കർ, സെബ ടോമി എന്നിവരുടെ സംഗീതനിശയും അരങ്ങേറി.