ബാല്യത്തിലെ ആഗ്രഹം ചലച്ചിത്രകാരനാക്കി- ബ്ലെസി

പ്രവിത്താനം : സെയ്ൻ്റ് മൈക്കിൾസ് ഹയർ സെക്കൻഡറി സ്‌കൂളിലെ വിവിധ

ക്ലബ്ബുകളുടെ ഉദ്ഘാടനം സംവിധായകനും തിരക്കഥാകൃത്തുമായ ബ്ലെസി നിർവഹിച്ചു. അഞ്ചാംക്ലാസ് വിദ്യാർഥിയായിരിക്കെ മനസ്സിൽ മൊട്ടിട്ട ആഗ്രഹത്തെ പിൻചെന്ന് നടത്തിയ പരിശ്രമങ്ങളാണ് ഒരു ചലച്ചിത്രകാരനിലേക്ക് തന്നെ എത്തിച്ചതെന്ന് അദ്ദേഹം പറഞ്ഞു. ചെറുപ്പത്തിൽ വലിയ ലക്ഷ്യങ്ങൾ സ്വ‌പ്നം കാണാനും അത് സാക്ഷാത്കരിക്കാൻ പരിശ്രമിക്കാനും അദ്ദേഹം കുട്ടികളെ ആഹ്വാനംചെയ്‌തു. യോഗത്തിൽ പ്രിൻസിപ്പൽ ജിജി ജേക്കബ്, പ്രഥമാധ്യാപകൻ ജിനു ജെ. വല്ലനാട്ട്, പിടിഎ. പ്രസിഡൻ്റ് ജിസ്മോൻ ജോസ്, എൽ.പി സ്‌കൂൾ പ്രഥമാധ്യാപകൻ ബാബു ജോസഫ് എന്നിവർ പ്രസംഗിച്ചു. ഫാ. ജോർജ് വേളൂപറമ്പിൽ അധ്യക്ഷതവഹിച്ചു.