'തണൽ' ഹ്രസ്വചിത്രം പ്രകാശനം

തൃക്കരിപ്പൂർ ഓൾ കേരള മാർബിൾസ് ആൻഡ് ടൈൽസ് വർക്കേഴ്സ‌് അസോസിയേഷൻ സംസ്ഥാന സമ്മേളനത്തിൻ്റെ ഭാഗമായി നിർമിച്ച ഹ്രസ്വചിത്രം 'തണൽ' സിനിമാ-നാടക നടനും സംവിധായകനുമായ പ്രകാശ് വാടിക്കൻ പ്രകാശനം ചെയ്തു. അസോസിയേഷൻ ജില്ലാ പ്രസിഡന്റ് ഉണ്ണി മാധവം അധ്യക്ഷനായി. രചന നിർവഹിച്ച കുഞ്ഞികൃഷ്ണൻ തൃക്കരിപ്പൂരിനെയും അണിയറ പ്രവർത്തകരെയും അനുമോദിച്ചു പി.വി. മനേഷ്, പി. രാജേഷ്, ജയൻ മോനാച്ച, എ. സവിത, കെ.വി. ഗംഗാധരൻ, ഇ.വി. ഗണേശൻ, കെ.പി.എ.സി. വിപിഷ്, പ്രിയേഷ് ഡ്രീംസ് എന്നിവർ സംസാരിച്ചു.