കുനാൽ കമ്രയുടെ എല്ലാ ഉള്ളടക്കവും നീക്കി ബുക്ക് മൈഷോ

മുംബൈ: ഓൺലൈൻ ടിക്കറ്റിങ് പ്ലാറ്റ്ഫോമായ ബുക്ക് മൈഷോ ആക്ഷേപഹാസ്യകാരൻ കുനാൽ കമ്രയുമായി ബന്ധപ്പെട്ട എല്ലാ ഉള്ളടക്കങ്ങളും നീക്കി. അവരുടെ വെബ്സൈറ്റിൽ ഉൾപ്പെടുത്തിയ കലാകാരന്മാരുടെ പട്ടികയിൽനിന്ന് അദ്ദേഹത്തെ ഒഴിവാക്കി.

മഹാരാഷ്ട്ര ഉപമുഖ്യമന്ത്രി ഏക്‌നാഥ് ഷിന്ദേക്കെതിരായ വിവാദ പരാമർശങ്ങളെ തുടർന്ന് കമ്രയ്ക്ക് വേദിനൽകരുതെന്ന് അഭ്യർഥിച്ച് ശിവസേന നേതാവ് റഹൂൽ കനാൽ ബുക്ക് മൈഷോയ്ക്ക് കത്തെഴുതിയിരുന്നു. ഇതേത്തുടർന്നാണ് നടപടി.

കലാകാരന്മാരുടെ ചരിത്രപട്ടികയിൽനിന്ന് കമ്രയെ നീക്കാനുള്ള ബുക്ക് മൈഷോ തീരുമാനത്തെ റഹൂൽ കനാൽ സ്വാഗതംചെയ്‌തു. കലാകാരനുമായി ലിങ്ക് ചെയ്തിരിക്കുന്ന ഉള്ളടക്കം നീക്കിയതിന് ബുക്ക് മൈ ഷോ സിഇഒ ആശിഷ് ഹേംരാജാനിയോട് നന്ദിപറഞ്ഞു.