സാങ്കേതികവിദ്യക്കൊപ്പം മാനവികതയും വളരണം -മേയർ ദേവഗിരി ബിസിനസ് കോൺക്ലേവ് തുടങ്ങി

കോഴിക്കോട്: അതിവേഗംവളരുന്ന സാങ്കേതികവിദ്യയുടെ കാലത്ത് മാനവികമൂല്യങ്ങളിൽ അധിഷ്‌ഠിതമായിരിക്കണം ഏതൊരു വികസനമാതൃകയുമെന്ന് മേയർ ഡോ. എം. ബീനാ ഫിലിപ്പ് അഭിപ്രായപ്പെട്ടു. ദേവഗിരി സെയ്ൻ്റ് ജോസഫ്‌സ് കോളേജിലെ ബിസിനസ് മാനേജ്‌മെന്റ് വിഭാഗവും ഓൾ ഇന്ത്യ മലയാളീ അസോസിയേഷനും സംയുക്തമായി നടത്തുന്ന ഇന്റർനാഷണൽ ബിസിനസ് കോൺക്ലേവ് ഉദ്ഘാടനം ചെയ്യുകയായിരുന്നു മേയർ. കോൺക്ലേവ് വ്യാഴാഴ്‌ച സമാപിക്കും. ദേവഗിരി സ്ഥാപനങ്ങളുടെ മാനേജർ ഫാ. ബിജു കെ. ഐസക്ക്, പ്രിൻസിപ്പൽ ഡോ. ബോബി ജോസ്, വി.പി. സുകുമാരൻ, മനു ആൻ്റണി, ഡോ. പ്രേമാനന്ദ്, ഡോ. പി.എം. ഉഷ എന്നിവർ സംസാരിച്ചു.