ദീപാവലിക്ക് മധുരം പകർന്ന് DHL; ആഭ്യന്തര, അന്താരാഷ്ട്ര ഷിപ്പ്മെന്റുകൾക്ക് 60 ശതമാനം വരെ ഇളവ്

ദീപാവലി സമ്മാനങ്ങളും ആശംസകളും പ്രിയപ്പെട്ടവരിലേക്ക് എത്തിക്കാൻ പ്രത്യേക ഉത്സവകാല ഓഫർ; നവംബർ 14 വരെ പ്രയോജനം ലഭിക്കും

തിരുവനന്തപുരം: ദീപാവലി ആഘോഷങ്ങളുടെ ഭാഗമായി ഇന്ത്യയിലെ ഉപഭോക്താക്കൾക്കായി പ്രത്യേക ഉത്സവകാല ഇളവുകളുമായി പ്രമുഖ അന്താരാഷ്ട്ര കൊറിയർ, എക്സ്പ്രസ് വിതരണ സേവനദാതാക്കളായ DHL എക്സ്പ്രസ്. രാജ്യത്തിനകത്തും വിദേശത്തേക്കുമുള്ള ഷിപ്പ്മെന്റുകൾക്ക് 60 ശതമാനം വരെ ഇളവാണ് കമ്പനി പ്രഖ്യാപിച്ചിരിക്കുന്നത്. 2026 നവംബർ 14 വരെയാണ് ഓഫർ ലഭ്യമാകുക.

കുടുംബാംഗങ്ങൾക്കും സുഹൃത്തുക്കൾക്കും ദീപാവലി സമ്മാനങ്ങൾ, മധുരപലഹാരങ്ങൾ, ആശംസകൾ എന്നിവ അയയ്ക്കാൻ ആഗ്രഹിക്കുന്നവർക്ക് ഈ ഓഫർ പ്രയോജനപ്പെടുത്താം. ഇതിനായി DHL വെബ്സൈറ്റ് വഴിയോ കമ്പനിയുടെ സർവീസ് പോയിന്റുകൾ വഴിയോ ബുക്കിങ് നടത്തുമ്പോൾ FESTIVAL60 എന്ന പ്രമോ കോഡ് ഉപയോഗിക്കണം.

ഷിപ്പ്മെന്റുകൾ വഴി ഉണ്ടാകുന്ന ഹരിതഗൃഹ വാതക പുറന്തള്ളൽ കുറയ്ക്കുന്നതിനുള്ള പിന്തുണയുമായി DHL GoGreen Plus സേവനവും ഉപഭോക്താക്കൾക്ക് തിരഞ്ഞെടുക്കാം. സുസ്ഥിര വ്യോമയാന ഇന്ധനമായ (SAF) ഉപയോഗത്തെ അടിസ്ഥാനമാക്കിയുള്ള സംവിധാനമാണ് ഇതിനായി കമ്പനി ഒരുക്കിയിരിക്കുന്നത്. 'ബുക്ക് ആൻഡ് ക്ലെയിം' സംവിധാനത്തിലൂടെ സുസ്ഥിര ഇന്ധനത്തിന്റെ പാരിസ്ഥിതിക നേട്ടങ്ങൾ ഈ സേവനം തിരഞ്ഞെടുക്കുന്ന ഷിപ്പ്മെന്റുകൾക്ക് അനുവദിക്കുന്നു.

DHL എക്സ്പ്രസ് ഇന്ത്യ സെയിൽസ് ആൻഡ് മാർക്കറ്റിങ് വൈസ് പ്രസിഡന്റ് സന്ദീപ് ജുനേജ പറഞ്ഞു: ദീപാവലി നമ്മൾ സ്നേഹിക്കുന്നവരുമായി സന്തോഷം പങ്കിടുന്ന ആഘോഷമാണ്. അവർ എത്ര ദൂരെയാണെങ്കിലും പ്രിയപ്പെട്ടവരുടെ കൈകളിലേക്ക് സമ്മാനങ്ങളും സ്നേഹസന്ദേശങ്ങളും എത്തിക്കാൻ DHL സഹായിക്കുന്നു. ഇന്ത്യയിലും ലോകത്തിന്റെ വിവിധ ഭാഗങ്ങളിലുമുള്ള കുടുംബാംഗങ്ങളുമായി ദീപാവലി സന്തോഷം പങ്കിടുന്നത് കൂടുതൽ എളുപ്പമാക്കുകയാണ് ഈ പ്രത്യേക ഓഫറിലൂടെ ലക്ഷ്യമിടുന്നതെന്നും അദ്ദേഹം വ്യക്തമാക്കി.

ലോകത്തെ 220-ലധികം രാജ്യങ്ങളിലും പ്രദേശങ്ങളിലുമായി വ്യാപിച്ചുകിടക്കുന്ന DHL-ന്റെ ആഗോള ശൃംഖലയുടെ സഹായത്തോടെ ഷിപ്പ്മെന്റുകളുടെ നീക്കം ഉപഭോക്താക്കൾക്ക് തത്സമയം നിരീക്ഷിക്കാനാകും. കൂടാതെ, ഡെലിവറിയുമായി ബന്ധപ്പെട്ട വിവരങ്ങൾ SMS, ഇ-മെയിൽ എന്നിവയിലൂടെ ലഭ്യമാക്കുന്നതിനാൽ സേവനം കൂടുതൽ സുതാര്യവും സൗകര്യപ്രദവുമാകും.

ഓഫറിനെക്കുറിച്ചുള്ള കൂടുതൽ വിവരങ്ങൾക്ക് DHL-ന്റെ ടോൾഫ്രീ നമ്പറായ 1800 30 345 ൽ ബന്ധപ്പെടാം. dhl.com വെബ്സൈറ്റ് വഴിയും MyDHL+ സംവിധാനത്തിലൂടെയും നിരക്ക് അറിയാനും ഷിപ്പ്മെന്റ് ബുക്ക് ചെയ്യാനും സൗകര്യമുണ്ട്. അടുത്തുള്ള DHL സർവീസ് പോയിന്റ് കണ്ടെത്താൻ വെബ്സൈറ്റിലെ Service Point Locator ഉപയോഗിക്കുകയോ ഗൂഗിളിൽ 'DHL Near Me' എന്ന് തിരയുകയോ ചെയ്യാം.

ഓഫറിന് നിബന്ധനകളും വ്യവസ്ഥകളും ബാധകമാണ്.

DHL: ലോകത്തിന്റെ ലോജിസ്റ്റിക്സ് പങ്കാളി

ലോജിസ്റ്റിക്സ് രംഗത്തെ പ്രമുഖ ആഗോള ബ്രാൻഡാണ് DHL. 220-ലധികം രാജ്യങ്ങളിലും പ്രദേശങ്ങളിലുമായി ഏകദേശം 3,89,000 ജീവനക്കാരുടെ പിന്തുണയോടെ പ്രവർത്തിക്കുന്ന കമ്പനി, ആഭ്യന്തര-അന്താരാഷ്ട്ര പാഴ്സൽ വിതരണം, ഇ-കൊമേഴ്സ് ഷിപ്പിങ്, എക്സ്പ്രസ് സേവനങ്ങൾ, റോഡ്, വ്യോമ, സമുദ്ര ചരക്കുനീക്കം, വ്യവസായ വിതരണ ശൃംഖലാ മാനേജ്മെന്റ് തുടങ്ങി വിവിധ സേവനങ്ങൾ നൽകുന്നു.

2025-ൽ ഏകദേശം 82.9 ബില്യൺ യൂറോ വരുമാനം നേടിയ DHL ഗ്രൂപ്പിന്റെ ഭാഗമാണ് DHL. സുസ്ഥിര ബിസിനസ് രീതികൾക്കും പരിസ്ഥിതി സംരക്ഷണത്തിനും പ്രാധാന്യം നൽകുന്ന കമ്പനി, 2050-ഓടെ ലോജിസ്റ്റിക്സ് പ്രവർത്തനങ്ങളിൽ നെറ്റ് സീറോ കാർബൺ പുറന്തള്ളൽ ലക്ഷ്യം കൈവരിക്കാനാണ് ശ്രമിക്കുന്നത്.