കഥകളി ആചാര്യൻ ചെന്നിത്തല ചെല്ലപ്പൻപിള്ള ജന്മശതാബ്‌ദിയാഘോഷം

മാവേലിക്കര : കഥകളി ആസ്വാദകസംഘത്തിൻ്റെ നേതൃത്വത്തിൽ കഥകളി ആചാര്യൻ ചെന്നിത്തല ചെല്ലപ്പൻപിള്ള ജന്മശതാബ്ദ‌ിയാഘോഷം സംഘടിപ്പിച്ചു. കേരള ഫോക്ലോർ അക്കാദമി ചെയർമാൻ ഒ.എസ്. ഉണ്ണിക്കൃഷ്‌ണൻ ഉദ്ഘാടനം ചെയ്‌തു. കഥകളി ആസ്വാദകസംഘം പ്രസിഡൻ്റ് ജെ. ഗോപകുമാർ അധ്യക്ഷനായി.

ചടങ്ങിൽ കഥകളി ആചാര്യൻ ചെന്നിത്തല ചെല്ലപ്പൻപിള്ള ജന്മശതാബ്ദി പുരസ്കാരം കഥകളി നടൻ ഫാക്ട‌് മോഹനനും കലാമണ്ഡലം പന്തളം കേരളവർമ്മ സ്‌മൃതി പുരസ്‌കാരം കഥകളി നടൻ തലവടി അരവിന്ദനും തകഴി കുട്ടൻപിള്ള സ്മൃതി പുരസ്‌കാരം കഥകളി സംഗീതജ്ഞൻ കലാമണ്ഡലം സുരേന്ദ്രനും സമ്മാനിച്ചു. കുരുമ്പോലിൽ ശ്രീകുമാർ ജന്മശതാബ്ദി പ്രഭാഷണം നടത്തി.

ഫാക്ട് പദ്‌മനാഭൻ, പ്രൊഫ. എസ്.കെ. ഗോവിന്ദൻകുട്ടി കാരണവർ, സി. ശ്രീകുമാരി, കെ. ഗോപിനാഥ്, സുരേഷ് സാകേതം, ഗോപിമോഹനൻ നായർ, രേണുക വർമ, ഡോ. ഏവൂർ ശ്രീനാരായണൻ, ടി. രാധാകൃഷ്ണ‌പിള്ള ആർ. ജയകുമാർ തുടങ്ങിയവർ പ്രസംഗിച്ചു. തുടർന്ന് കിരാതം കഥകളി അരങ്ങേറി.