അസംപ്ഷനിൽ കായികതാരങ്ങളെ ആദരിച്ചു

ചങ്ങനാശ്ശേരി : പ്ലാറ്റിനം ജൂബിലി ആഘോഷിക്കുന്ന ചങ്ങനാശ്ശേരി അസംപ്ഷൻ കോളേജ് ദേശീയ അന്തർദേശീയ സംസ്ഥാനതല മത്സരങ്ങളിൽ വിജയംനേടിയ കായികതാരങ്ങളെ മെമൻറോയും പുരസ്‌കാരങ്ങളും നൽകി ആദരിച്ചു. അർജുന അവാർഡ് ജേതാവും മുൻ ഇന്ത്യൻ വോളിബോൾ ടീമിൻ്റെ ക്യാപ്റ്റനും ഏഷ്യൻ വോളിബോൾ ചാമ്പ്യൻഷിപ്പിൽ ഇന്ത്യൻ ടീമിൻ്റെ പരിശീലകനുമായിരുന്ന ടോം ജോസഫ്, അസംപ്ഷൻ്റെ മുൻ കായികതാരവും അന്തർദേശീയ അത്ലറ്റും ആയ കെ.എം.ഗ്രീഷ്‌മ എന്നിവരായിരുന്നു മുഖ്യാതിഥികൾ.

അസംപ്ഷന്റെ വോളിബോൾ പരിശീലകനായ നവാസ് വഹാബ് ബാസ്ക്കറ്റ്ബോൾ പരിശീലകൻ ജോബിൻ വർഗീസ്, അത്ല‌റ്റിക് പരിശീലകരായ ബൈജു ജോസഫ്, സൂരജ് രാജ്, മിഥുൻ മുരളി, ബോൾ ബാഡ്‌മിൻ്റൺ പരിശീലകൻ വിമൽ, ഹാൻഡ് ബോൾ പരിശീലകൻ ബർണഡ് തോമസ്, സൈക്ലിങ് പരിശീലകനായ അജയ് പീറ്റർ എന്നിവർക്കും പുരസ്‌കാരങ്ങൾ നൽകി. വിശിഷ്ട അതിഥികളെ കൂടാതെ കോളേജ് പ്രിൻസിപ്പൽ റവ. ഡോ. തോമസ് പാറത്തറ, വൈസ് പ്രിൻസിപ്പൽമാരായ ഡോ. റാണി മരിയ തോമസ്, ഡോ. ജിസി മാത്യു കോളേജ് ബർസാർ ഫാ. റോജൻ പുരക്കൽ കായികവിഭാഗം മേധാവി സുജാ മേരി ജോർജ് എന്നിവർ സംസാരിച്ചു.