ഐ ലീഗ് രണ്ടാം ഡിവിഷൻ മത്സരംസാറ്റിന് സമനില

മഞ്ചേരി: നല്ല തുടക്കവും പന്തടക്കവുമുണ്ടായിട്ടും ഗോളടിക്കാൻ മറന്ന സാറ്റ്

എഫ്.സി. കേരളയ്ക്ക് ഐ ലീഗ് രണ്ടാം ഡിവിഷൻ ഫുട്‌ബോളിൽ സമനില യുണൈറ്റഡ് സ്പോർട്ട്സ് ക്ലബ് കൊൽക്കത്തയാണ് സാറ്റിനെ ഗോൾരഹിത സമനിലയിൽ തളച്ചത്. കോച്ച് ക്ലിയോഫസ് അലക്‌സിൻ്റെ ശിക്ഷണത്തിൽ കളിക്കളത്തിലിറങ്ങിയ സാറ്റ് കളിയിലുടനീളം മുന്നേറ്റം നടത്തിയെങ്കിലും ഗോൾ സ്കോർ ചെയ്യാനായില്ല. സാറ്റിൻ്റെ ആഖിബ് നവാബാണ് കളിയിലെ താരം. 12-ന് വൈകീട്ട് നാലിന് മഞ്ചേരി പയ്യനാട് സ്റ്റേഡിയത്തിൽ നടക്കുന്ന അടുത്ത മത്സരത്തിൽ സാറ്റും നെറോക്കോ എഫ്.സി. മണിപ്പുരും ഏറ്റമുട്ടും.