സംസ്ഥാന എം.ഇ.എസ്. ഫുട്ബോൾ: പാവങ്ങാടും ചാത്തമംഗലവും ജേതാക്കൾ

പട്ടാമ്പി: പട്ടാമ്പി എം.ഇ.എസ്. ഇൻ്റർനാഷണൽ സ്‌കൂളിൽനടന്ന സംസ്ഥാന എം.ഇ.എസ്. സ്കൂ‌ളുകളുടെ ഫുട്‌ബോൾ ടൂർണമെൻ്റിന് സമാപനം. 14 വയസ്സിന് താഴെയുള്ളവരുടെ വിഭാഗത്തിൽ ചാത്തമംഗലം എം.ഇ.എസ്. സ്‌കൂളും 12 വയസ്സിന് താഴെയുള്ളവരുടെ വിഭാഗത്തിൽ പാവങ്ങാട് എം.ഇ.എസ്. സ്കൂളും ചാമ്പ്യൻഷിപ്പ് കരസ്ഥമാക്കി.

14 വയസ്സിന് താഴെയുള്ളവരുടെ വിഭാഗത്തിൽ പട്ടാമ്പി എം.ഇ.എസും തിരുനാവായ എം.ഇ.എസും രണ്ടാംസ്ഥാനം പങ്കിട്ടു. 12 വയസ്സിന് താഴെയുള്ളവരുടെ വിഭാഗത്തിൽ കൈതപ്പൊയിൽ എം.ഇ.എസ്., പുത്തനത്താണി എം.ഇ.എസ്. എന്നീ സ്‌കൂളുകൾ രണ്ടാംസ്ഥാനം പങ്കിട്ടു. കേരളാ ബ്ലാസ്റ്റേഴ്‌സ് പരിശീലകനായിരുന്ന ടി.ജി. പുരുഷോത്തമനും ദേശീയ ഫുട്‌ബോൾ മുൻ പരിശീലകൻ വി. നാരായണമേനോനും ട്രോഫികൾ സമ്മാനിച്ചു. ചടങ്ങിൽ എം.ഇ.എസ്. സി.ബി.എസ്.ഇ. എജ്യുക്കേഷൻ ബോർഡ് ചെയർമാൻ ഡോ. കെ.പി. അബൂബക്കർ അധ്യക്ഷതവഹിച്ചു. കേരളാ ഫുട്ബോൾ അസോസിയേഷൻ വൈസ് പ്രസിഡന്റ് പി.സി. ജോൺസൺ, മുൻ ഫുട്‌ബോൾ താരം ഗിരീഷ്‌കുമാർ, എം.ഇ.എസ്. ഇൻ്റർനാഷണൽ സ്കൂൾ സെക്രട്ടറി എ. അബ്‌ദുൾഗഫൂർ, വൈസ് ചെയർമാൻ പി. കുഞ്ഞലി, പി.എം.എ. റഷീദ്, ആശാബൈജു, പി. ശ്രീലേഖ തുടങ്ങിയവർ സംസാരിച്ചു.