അനുസ്മ‌രണം സംഘടിപ്പിച്ചു

മൊതക്കര പ്രതിഭാ ഗ്രന്ഥാലയത്തിന്റെ നേതൃത്വത്തിൽ മൊതക്കരയിൽ എം ടി വാസുദേവൻ നായർ, പി.ജയചന്ദ്രൻ അനുസ്‌മരണം സംഘടിപ്പിച്ചു. വയനാട് ജില്ലാ പഞ്ചായത്ത് ക്ഷേമകാര്യ സ്റ്റാൻ്റിംഗ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്‌തു. ഗ്രാമ പഞ്ചായത്ത് ആരോഗ്യ-വിദ്യാഭ്യാസ ക്ഷേമകാര്യസ്റ്റാന്റിംഗ് കമ്മിറ്റി ചെയർമാൻ സി.എം അനിൽകുമാർ അധ്യഷത വഹിച്ചു.ദീപു ആന്റണി അനുസ്മരണ പ്രഭാഷണം നടത്തി.

രഞ്ജിത് മാനിയിൽ,മിഥുൻ പ്രദീപ്,സജ്‌ന ഷാജി തുടങ്ങിയവർ സംസാരിച്ചു.

പബ്ലിക് അഡ്രസ് സിസ്റ്റം ഉദ്ഘാടനം ചെയ്തു

വെള്ളമുണ്ട: വെള്ളമുണ്ട ഗവൺമെൻറ് മോഡൽ ഹയർ സെക്കൻഡറി സ്കൂൾ 2006 എസ്എസ്എൽസി ബാച്ച് പൂർവ്വ വിദ്യാർത്ഥികൾ സ്പോൺസർ ചെയ്ത പബ്ലിക് അഡ്രസ് സിസ്റ്റം വയനാട് ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു.

.ഒരു ലക്ഷം രൂപ ചെലവിൽ സ്കൂളിലെ എല്ലാ ക്ലാസ് മുറികളിലും ഐടി, സയൻസ് ലാബുകളിലും ഓഡിറ്റോറിയത്തിലും ശബ്ദ വിന്യാസം സാധ്യമാകുന്ന കേന്ദ്രീകൃത പബ്ലിക് അഡ്രസ് സിസ്റ്റമാണ് വിദ്യാർഥികൾ സ്കൂളിനായി നിർമ്മിച്ചു നൽകിയത്. പ്രിൻസിപ്പാൾ ഡോ. ശേഖർ എസ് അധ്യക്ഷത വഹിച്ചു. ഹെഡ്മിസ്ട്രസ് ഫാത്തിമത്ത് ഷംല 

എം മമ്മു,മനോജ് മാത്യു

റാഷിദ്, സഹീർ, പ്രസാദ് വി കെ, ഷീജ നാപ്പള്ളി, ആലീസ് ഐ പി

അബ്ദുൾസലാം തുടങ്ങിയവർ സംസാരിച്ചു

ജുനൈദ് കൈപ്പാണി 

വെള്ളമുണ്ട ഗ്രാമപഞ്ചായത്തിന്റെ സ്നേഹാദരം ഏറ്റുവാങ്ങി 

വെള്ളമുണ്ട:

മികച്ച സാമൂഹിക പ്രവർത്തകനുള്ള ഗ്ലോബൽ പീസ് കൺസോർഷ്യം

അന്താരാഷ്ട്ര ഹ്യൂമാനിറ്റേറിയൻ പുരസ്‌കാരം , 

ഇന്ത്യയിലെ ഏറ്റവും മികച്ച തദ്ദേശ ജനപ്രതിനിധിക്കുള്ള 

ബാബ സാഹിബ്‌ അംബേദ്കർ പുരസ്‌കാരം,

മാതൃകാ പൊതുപ്രവർത്തകനുള്ള 

സംസ്ഥാന കർമ്മശ്രേഷ്ഠ പുരസ്‌കാരം, പൊതുപരിപാടികളിലെ പങ്കാളിത്തതിന് ബെസ്റ്റ് ഓഫ് ഇന്ത്യ റെക്കോർഡ്,

മികച്ച ജനപ്രതിനിധിക്കുള്ള കൗമുദി ജനരത്ന പുരസ്‌കാരം 

എന്നീ അംഗീകാരങ്ങൾ കരസ്ഥമാക്കിയ 

വയനാട് ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ 

ജുനൈദ് കൈപ്പാണിക്ക് വെള്ളമുണ്ട ഗ്രാമപഞ്ചായത്ത് ഏർപ്പെടുത്തിയ സ്നേഹാദരഫലകം വെള്ളമുണ്ട സിറ്റി ഓഡിറ്റോറിയത്തിൽ നടന്ന ചടങ്ങിൽ ജുനൈദ് കൈപ്പാണി ഏറ്റുവാങ്ങി.

ഗ്രാമപഞ്ചായത്ത് പ്രസിഡന്റ്‌ സുധി രാധാകൃഷ്ണൻ അധ്യക്ഷത വഹിച്ചു.ബ്ലോക്ക്‌ പഞ്ചായത്ത്‌ പ്രസിഡന്റ്‌ ജസ്റ്റിൻ ബേബി ഉപഹാരം കൈമാറി.

ബഡ്സ് സ്കൂൾ സംസ്ഥാന ചാമ്പ്യൻമാരെ സ്വീകരിച്ചു

കൽപറ്റ :താളമേളങ്ങളാൽ നിറപ്പകിട്ട് തീർത്ത കുടുംബശ്രീയുടെ ആറാമത് ബഡ്‌സ് സ്കൂൾ സംസ്ഥാന തല കലോത്സവം 'തില്ലാന' യിൽ 47 പോയിന്റുമായി ഒന്നാം സ്ഥാനം കരസ്ഥമാക്കിയ വയനാട് ടീമിന് സ്വീകരണം നൽകി കുടുംബശ്രീ ജില്ലാ മിഷൻ. കല്പറ്റ പുതിയ സ്റ്റാൻഡിൽ വച്ച് സംഘടിപ്പിച്ച പരിപാടി വയനാട് ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്ത് വിജയികളെ അനുമോദിച്ചു.തൃശ്ശൂർ, തിരുവനന്തപുരം യഥാക്രമം രണ്ടും മൂന്നും സ്ഥാനങ്ങൾ നേടിയിരുന്നു.ചാമ്പ്യൻഷിപ്പ് ട്രോഫിയുമായി കൽപറ്റ ടൗണിൽ കുട്ടികൾ പ്രകടനം നടത്തി.സ്വീകരണ പരിപാടിയിൽ കുടുംബശ്രീ ജില്ലാമിഷൻ കോർഡിനേറ്റർ ബാലസുബ്രഹ്മണ്യൻ പി കെ അധ്യക്ഷനായി.ജില്ലാമിഷന്റെ നേതൃത്.സംസ്ഥാന കലോത്സവത്തിനായി 4 മാസങ്ങളോളമായുള്ള കുട്ടികളുടെ കഠിന പ്രയത്നത്തിന്റെ ഫലമാണ് തുടർച്ചയായി കിരീടം വയനാട്ടിലെത്താൻ സഹായിച്ചത്.

നാടാകെ കൈകോർത്ത 

വാളാട് ഫെസ്റ്റിന് ഉജ്ജ്വല സമാപനം 

വാളാട്:കലാ കായിക സാംസ്കാരിക പരിപാടികളും കാർണിവൽ,ഫുഡ് ഫെസ്റ്റ്,ഓപ്പൺ ചന്തയടക്കം മെഗാ പരിപാടികളോടെ രണ്ടാഴ്ച യോളം നീണ്ടു നിന്ന വാളാട് ഫെസ്റ്റിന്റെ സമാപനപരിപാടികൾ വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു.

വാളാടിലേയും പരിസര പ്രദേശങ്ങളിലേയും യുവാക്കൾ ചേർന്ന് നാല് വർഷങ്ങൾക്ക് മുമ്പ് ആരംഭിച്ച വാളാട് പ്രിമിയർ ലീഗ് (വി.പി. എൽ) ന്റെ അഞ്ചാം സീസൺന്റെ ഭാഗമായാണ് ഇത്തവണ വിപുലമായ വാളാട് ഫെസ്റ്റിവൽ സംഘടിപ്പിച്ചത്.

സമാപനദിവസത്തെ വോളിബോൾ ടൂർണമെന്റിന്റെ ഫൈനൽ മത്സരം നാടാകെ ആവേശത്തോടെ ഏറ്റെടുത്തു.

പ്രദേശത്തെ തന്നെ ടീമുകൾ തമ്മിലുള്ള മത്സരം വാളാട് ഗ്രാമം അക്ഷരാർത്ഥത്തിൽ ആരവംമുഴക്കി ആഘോഷിച്ചു.നിരവധി ജനപ്രതിനിധികളും വിശിഷ്ടവ്യക്തികളും സന്നിഹിതരായ ചടങ്ങ് പങ്കാളിത്തം കൊണ്ട് ശ്രദ്ധേയമായി.

വോളിബോൾ 

ഫൈനൽ മത്സരത്തിൽ വിജയിച്ച ടീം അംഗങ്ങളെ ചടങ്ങിൽ ഉപഹാരങ്ങളും ഫലകവും നൽകി അനുമോദിച്ചു.

സ്കൗട്ട്സ് ആൻഡ് ഗൈഡ്സ് പജന്റ് ഷോ സംഘടിപ്പിച്ചു 

മാനന്തവാടി: 76-ാമത് റിപ്പബ്ലിക് ദിനത്തിന്റെ ഭാഗമായി വയനാട് ജില്ലാ സ്കൗട്ട്സ് ആൻഡ് ഗൈഡ്സിന്റെ നേതൃത്വത്തിൽ സംഘടിപ്പിച്ച

'പജന്റ് ഷോ'വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു.ചടങ്ങിൽ വി.എം ബാലകൃഷ്ണ‌ൻ,എ. ഇ സതീഷ് ബാബു, ജോസ് കണ്ടത്തിൽ, മനോജ്‌ മാത്യു അനിൽകുമാർ എസ്.എസ്.കെ തുടങ്ങിയവർ സംസാരിച്ചു.