കാലിക്കറ്റ് സർവകലാശാല ബി സോൺ; വിജയക്കുതിപ്പിൽ ദേവഗിരി

നാദാപുരം : പുളിയാവ് നാഷണൽ കോളേജിൽ നടക്കുന്ന ബി സോൺ

കലോത്സവത്തിൽ 47 മത്സരങ്ങളുടെ ഫലം വന്നപ്പോൾ 117 പോയിന്റ് നേടി വിജയക്കുതിപ്പുമായി സെയ്ൻറ് ജോസഫ് ദേവഗിരി ഒന്നാംസ്ഥാനത്ത് തുടരുന്നു. 95 പോയിൻറ് നേടി ഫാറൂഖ് കോളേജ് രണ്ടാംസ്ഥാനത്തും. 51 പോയിൻറുമായി ഗവ. കോളേജ് ടീച്ചേഴ്‌സ് എജുക്കേഷൻ മൂന്നാം സ്ഥാനത്തുമുണ്ട്. കലോത്സവത്തിന്റെ സ്റ്റേജ് മത്സരങ്ങളുടെ ഉദ്ഘാടനം ഷാഫി പറമ്പിൽ എം.പി. നിർവഹിച്ചു. മുൻ എം.എൽ.എ. പാറക്കൽ അബ്‌ദുള്ള അധ്യക്ഷനായി. സിനിമാ താരം ആസിഫ് അലി മുഖ്യാതിഥിയായി, മുഖ്യാതിഥിയായിവന്ന ആസിഫലിക്ക് തിക്കിലും തിരക്കിലും കൈക്ക് ചെറിയ പരിക്കുപറ്റി. ജനപ്രിയ ഇനങ്ങളായ കഥകളി, ഓട്ടൻതുള്ളൽ, മിമിക്രി, മൈം എന്നിവ നിറഞ്ഞസദസ്സിലാണ് നടന്നത്.

മത്സരങ്ങൾ കൃത്യസമയത്ത് നടക്കാത്തതിനാൽ രക്ഷിതാക്കൾക്കും മത്സരാർഥികൾക്കും പരാതി, രാവിലെ ആരംഭിക്കേണ്ട പലമത്സരങ്ങളും ഉച്ചയ്ക്കുശേഷമാണ് നടന്നത്. കൂടാതെ മത്സരഫലം സൈറ്റിൽ അപ്‌പ്ലോഡ് ചെയ്യുന്നതിലും കാലതാമസമാണ്.