ഗുരുവന്ദനം : സത്യൻ മാടാക്കര

ഗുരുവന്ദനം  : സത്യൻ മാടാക്കര

ചോമ്പാലക്കാർക്ക് അഭിമാനിക്കാൻ, മനസ്സിൽ കൊണ്ടുനടക്കാൻ ഒരു പാട് മഹദ്  വ്യക്തിത്വങ്ങളുണ്ട്.

അതിൽ ദേശീയവും അന്തർദ്ദേശീയവുമായവർവരെ ഉണ്ട്.

ചോമ്പാലയിലെ പരമോന്നത വ്യക്തിത്വങ്ങളിൽ ഏറെ പ്രമുഖനാണ് ഡോ.കെ.കെ.എൻ.കുറുപ്പ്.

കോഴിക്കോട് സർവ്വകലാശാല ഏഴാം വൈസ് ചാൻസലർ എന്ന പദവി മാത്രമല്ല ചരിത്ര രചനയിൽ ജനാധിപത്യ- പൗരബോധ എഴുത്ത് തെളിവുകളുടെ അടിസ്ഥാനത്തിൽ എഴുതിയ ചരിത്രകാരൻ കൂടിയാണ് കുറുപ്പ്.

തുഫതുൽ മുജാഹിദ്ദീൻ എന്ന ( ശേഖ് സൈനുദീന്റെ കൃതി) പുസ്തകത്തെ മുൻ നിർത്തി നടത്തിയ പ്രബന്ധം അതിൽ ഏറെ പ്രധാനപ്പെടതാണ്.

മറ്റ് അനേകം ചരിത്ര രചനകൾ വേറെയും. ഇതൊക്കെയായിട്ടും ജന്മനാട് എത്രമാത്രം പരിഗണിച്ചു എന്ന് പരിശോധിച്ചാൽ

'കോരപ്പുഴക്കിപ്പുറം ഉള്ളവർ എത്ര വലിയവരായാലും

വേണ്ടത്ര കേരളം കാണില്ല 'എന്നത് സ്ഥിരീകരിക്കുന്നു.

ഫെബ്രുവരി13 ന്  അദ്ദേഹത്തിൻ്റെ എൺപത്തിയഞ്ചാം ജന്മദിനം വരികയാണ്.ആ ദിവസമെങ്കിലുo ചോമ്പാല കെ.കെ.എൻ കുറുപ്പിനെ ആദരിക്കണം.

 വിപുലമായ കൂട്ടായ്മയിലൂടെ പുസ്തകശേഖരം, ഗവേഷണവഴി എന്നിവ ഭാവി തലമുറയ്ക്ക് ഉപയോഗിക്കാവുന്ന വിധത്തിൽ സംരക്ഷിക്കണം.

 എല്ലാ ചോമ്പാല നിവാസികൾക്കും അതൊരു ഗുരു വന്ദനമായി മാറും.

അത്തരമൊരു ചിന്തയിലേക്കുള്ള ശ്രദ്ധ ക്ഷണിക്കൽ മാത്രമാണ് ഈ കുറിപ്പ്.

സ്നേഹ ബഹുമാനത്തോടെ,

സത്യൻ മാടാക്കര ( എഴുത്തുകാരൻ)

താൽപ്പര്യമുള്ളവർ ബന്ധപ്പെടുക 8921364179