എം.പി.കപ്പ് സ്കൂൾ ഫുട്‌ബോൾ ടൂർണമെൻ്റ് തുടങ്ങി

തൊടുപുഴ: നെഹ്റു യുവകേന്ദ്ര ഇടുക്കിയുടെ നേതൃത്വത്തിൽ തൊടുപുഴ സോക്കർ സ്‌കൂളിൻ്റെ സഹകരണത്തോടെ നടക്കുന്ന രണ്ടാമത് എം.പി.കപ്പ് സ്‌കൂൾതല ഫുട്‌ബോൾ ടൂർണമെൻ്റ് തുടങ്ങി. ഡീൻ കുര്യാക്കോസ് എം.പി.ഉദ്ഘാടനം ചെയ്തു.

നെഹ്റു യുവകേന്ദ്ര ജില്ലാ ഓഫീസർ എസ്.സച്ചിൻ അധ്യക്ഷത വഹിച്ചു. സോക്കർ സ്കൂൾ ഡയറക്‌ടർ പി.എ.സലിംകുട്ടി, പ്രതീക്ഷാഭവൻ പ്രിൻസിപ്പൽ സിസ്റ്റർ ഹണി വി.ഫ്രാൻസിസ്, കെ.എഫ്.എ.എക്സ‌ിക്യുട്ടീവ് മെമ്പർ ജോസ് പുളിക്കൻ, എബ്രഹാം, കെ.എം.അഭിജിത്ത് തുടങ്ങിയവർ സംസാരിച്ചു. ജില്ലയിലെ 14 ടീമുകൾ മത്സരത്തിൽ പങ്കെടുക്കുന്നുണ്ട്. ഫൈനലിൽ എത്തുന്ന ടീമുകൾക്ക് ജയ്‌ക്കോ ജൂവലറി നൽകുന്ന കാഷ് അവാർഡും ട്രോഫിയും നൽകും. ശനിയാഴ്ച‌ രണ്ടിന് സെമിഫൈനൽ മത്സരവും നാലിന് ഫൈനൽ മത്സരവും നടക്കും.