‘ബഷീർ സാഹിത്യലോകത്തെ മാന്ത്രികൻ’ പ്രഭാഷണസദസ്സ്

ബേപ്പൂർ : 'ബഷീർ സാഹിത്യലോകത്തെ മാന്ത്രികൻ' എന്ന വിഷയത്തിൽ ബേപ്പൂർ പബ്ലിക് ലൈബ്രറിയുടെ സഹകരണത്തോടെ ബേപ്പൂർ ഗവ. ഹയർസെക്കൻഡറി സ്കൂളിൽ പ്രഭാഷണസദസ്സ് സംഘടിപ്പിച്ചു. മാന്ത്രികൻ പ്രദീപ് ഹുഡിനോ നടത്തുന്ന ബഷീർ പ്രഭാഷണപരമ്പരയുടെ ഭാഗമായായിരുന്നു പരിപാടി.

സാഹിത്യലോകത്തെ മാന്ത്രികനാവുന്നതിനുമുൻപ് വിശപ്പകറ്റാൻ മുംബൈ തെരുവുകളിൽ മാന്ത്രികവിദ്യകൾ ചെയ്ത വൈക്കം മുഹമ്മദ് ബഷീറിന്റെ ജീവിതം പ്രദീപ് ഹുഡിനോ വിദ്യാർഥികളുമായി പങ്കുവെച്ചു. ബഷീർ കഥാപാത്രങ്ങളുമായി ബന്ധപ്പെടുത്തിയുള്ള ജാലവിദ്യയും അദ്ദേഹം അവതരിപ്പിച്ചു.

ബേപ്പൂർ ഗവ. ഹൈസ്‌കൂൾ പ്രധാനാധ്യാപകൻ പി.ടി. ഷാജി ഉദ്ഘാടനംചെയ്‌തു. ടി.പി. മനോജ് അധ്യക്ഷതവഹിച്ചു. പി. ജയചന്ദ്രൻ, പി.പി. ഉമ്മർകോയ, ടി. മുരളീധരൻ എന്നിവർ സംസാരിച്ചു.