ഇമ്മിണി വല്യ കഥകളെഴുതി അട്ടക്കണ്ടത്തെ കുട്ടികൾ

കരിന്തളം : പൊതുവിദ്യാലയങ്ങൾ മികവിന്റെ കേന്ദ്രങ്ങളാക്കുന്നതിന്റെ ഭാഗമായി ഒന്നാം ക്ലാസിൽ തുടങ്ങിയ രചനോത്സവത്തിന്റെ ഭാഗമായി അട്ടക്കണ്ടത്തെ ഒന്നാം തരത്തിലെ കുട്ടികൾ കഥയെഴുതി. കഥാപതിപ്പ് മാർക്സ് വായനശാലയിലേക്ക് കൈമാറി. ഹൊസ്ദുർഗ് എ.ഇ.ഒ. മിനി ജോസഫ് 'ഇമ്മിണി വല്യ കഥകൾ' കഥാപതിപ്പ് പ്രകാശനം ചെയ്തു. പി.ടി.എ. പ്രസിഡന്റ് ബിന്ധ്യ അധ്യക്ഷതവഹിച്ചു. പഞ്ചായത്തംഗം ജഗന്നാഥ്, എം.എ.ബാബുരാജ്, ഡോ. കെ.വി.രാജേഷ് എന്നിവർ സംസാരിച്ചു.