വനിതാ റോളർ സ്‌പോർട്‌സ് പരിശീലന ക്യാമ്പ്

വൈക്കം : വനിതാ റോളർ സ്‌പോർട്സ് അക്കാദമിയുടെ നേതൃത്വത്തിൽ വൈക്കം ഗവൺമെന്റ് ഗേൾസ് ഹയർ സെക്കൻഡറി സ്‌കൂളിൽ റോളർ സ്‌പോർട്സിൽ സൗജന്യ പരിശീലനക്യാമ്പ് തുടങ്ങി. 40 വിദ്യാർഥിനികൾക്കാണ് പരിശീലനം. റോളർ ഹോക്കി പരിശീലനവും ഇതിൽ ഉൾപ്പെടും. നേരത്തെ പരിശീലനം പൂർത്തിയാക്കിയ വിദ്യാർഥിനികൾ ജില്ലാതലത്തിലും കേരള സ്റ്റേറ്റ് സീനിയർ റോളർ സ്കേറ്റിങ്‌ ചാമ്പ്യൻഷിപ്പിലും മികവ് പ്രകടിപ്പിച്ചിട്ടുണ്ടെന്ന് കോച്ച് ജോമോൻ ജേക്കബ് പറഞ്ഞു. പി.സുമേഷ്‌കുമാർ ക്യാമ്പ് ഉദ്ഘാടനം ചെയ്തു. ടി.ആർ.ഓമന അധ്യക്ഷത വഹിച്ചു. പി.ആർ.ശ്രീകുമാർ, ജോമോൻ ജേക്കബ് എന്നിവർ പ്രസംഗിച്ചു.