ജില്ലാ കിഡ്സ് അത്‌ലറ്റിക്സ് ചാന്പ്യൻഷിപ്പ് കല്ലേക്കാട് വ്യാസവിദ്യാപീഠം ഓവറോൾ ചാമ്പ്യന്മാർ

പാലക്കാട് : ജില്ലാ അത്‌ലറ്റിക്സ് അസോസിയേഷൻ സംഘടിപ്പിച്ച ജില്ലാ കിഡ്സ് അത്‌ലറ്റിക്സ് ചാമ്പ്യൻഷിപ്പിൽ 277 പോയിന്റോടെ കല്ലേക്കാട് വ്യാസവിദ്യാപീഠം ഓവറോൾ ചാമ്പ്യന്മാരായി. 235 പോയിന്റ് നേടിയ പത്തിരിപ്പാല മൗണ്ട് സീന പബ്ലിക് സ്കൂളിനാണ് രണ്ടാംസ്ഥാനം. 226 പോയിന്റോടെ എലപ്പുള്ളി ശ്രീനാരായണ പബ്ലിക് സ്കൂൾ മൂന്നാംസ്ഥാനവും നേടി.

അസോസിയേഷൻ പ്രസിഡന്റ് കെ.സി.കെ. സൈതാലി മത്സരം ഉദ്ഘാടനംചെയ്‌തു. വ്യാസവിദ്യാപീഠം വൈസ് പ്രിൻസിപ്പൽ എ.ബി. രാമപ്രസാദ് വിജയികൾക്കുള്ള സമ്മാനം കൈമാറി. എം. രാമചന്ദ്രൻ, സി.കെ. വാസു, ഡോ. സി. രാജേഷ്, യു. ഹരിദാസ്, എ.എസ്. സത്യൻ, ആർ. രോഹിത്, ഷിനോജ്, ഉമേഷ്, എം. പ്രസന്നകുമാർ, ഖജാൻജി സി. മുരളി എന്നിവർ സംസാരിച്ചു.