'ഒരു പരമരഹസ്യത്തിന്റെ ഓർമയ്‌ക്ക്' പ്രകാശനം ചെയ്തു

തൃശ്ശൂർ : മാതൃഭൂമി മെഗാ ബുക്ക് ഫെയറിൽ ചൊവ്വാഴ്ച സാറാ ജോസഫിന്റെ ‘ഒരു പരമരഹസ്യത്തിന്റെ ഒാർമയ്ക്ക്’ എന്ന പുസ്തകം കല്പറ്റ നാരായണൻ പ്രകാശനം ചെയ്തു. സ്ത്രീ മാത്രം അനുഭവിക്കുന്ന ഒരു ദുരിതത്തിലൂടെ എല്ലാവരും അനുഭവിക്കുന്ന ദുരിതങ്ങളുടെ പ്രതീകാത്മക സൂക്ഷ്മാവിഷ്കാരം നടത്തുകയാണ് ‘ഒരു പരമരഹസ്യത്തിന്റെ ഓർമയ്ക്ക്’ എന്ന് കൽപ്പറ്റ പറഞ്ഞു.

ആര്യ ഐ കെയർ മെഡിക്കൽ ഡയറക്ടർ ഡോ. മിനുദത്ത് പുസ്തകം ഏറ്റുവാങ്ങി. പ്രൊഫ. എം. ഹരിദാസ് പുസ്തകം പരിചയപ്പെടുത്തി. ടൗൺഹാളിൽ നടക്കുന്ന പുസ്തകമേള 19-വരെ തുടരും.