നവവത്സരക്കാറ്റ് : ആനന്ദകുമാർ പറമ്പത്ത്

നവവത്സരക്കാറ്റ് : ആനന്ദകുമാർ പറമ്പത്ത്

സംവത്സരത്തിന്റെ

അവസാനപകലും

കത്തിയമര്‍ന്നു

തുടുപ്പുമായുന്നകടലിലെവിടെയോനിന്ന്

ഉപ്പണിഞ്ഞെത്തിയ കാറ്റ് പറഞ്ഞു

നാളെ, പ്രഭാതംപുതിയതാണ്...

പുതിയ പ്രതീക്ഷകള്‍ മുളയ്ക്കുന്ന,

കൊഴിഞ്ഞകിനാവുകൾ

പുത്തന്‍ ചിറകണിയുന്ന,

ഉതിര്‍ന്നു ചിതറിയ മുത്തുകള്‍

കോര്‍ത്തെടുക്കുന്ന,

പ്രതിജ്ഞകള്‍ക്കു വേരുറക്കുന്ന

മോഹഭംഗങ്ങള്‍ക്കു ചിതയൊരുക്കുന്ന 

പിഴവുകള്‍പരിഹരിക്കുന്ന ,

സ്നേഹ വീണകള്‍ പാടുന്ന,

കവിതകള്‍ഉണരുന്ന,

ഹൃദയ തലങ്ങളില്‍

ആര്‍ദ്രതയൊഴുകുന്ന , ,

പുതുവര്‍ഷാരംഭമാണ് നാളെ

ഒരുശ്വാസത്തിലിത്രയും

പറഞ്ഞു കാറ്റകലവേ,

ചോദിച്ചു ഞാന്‍.......

കഴിഞ്ഞവര്‍ഷാന്ത്യം നീ

പറഞ്ഞതല്ലേ,യിവയെല്ലാം......