എ.യു.എ.യു.പി.എസ്. നെല്ലിക്കുന്ന് ജേതാക്കൾ

കാസർകോട് : നഗരസഭയുടെ വിദ്യാഭ്യാസ-കായിക പ്രോത്സാഹനപദ്ധതി ‘സക്സസ് ഫിയസ്റ്റ’യുടെ ഭാഗമായി സംഘടിപ്പിച്ച യു.പി. വിഭാഗം വിദ്യാർഥികൾക്കുള്ള ഫുട്‌ബോൾ ചാമ്പ്യൻഷിപ്പിൽ ആൺകുട്ടികളുടെ വിഭാഗത്തിൽ അൻവാറുൽ ഉലൂം എ.യു.പി.എസ്. നെല്ലിക്കുന്ന് ജേതാക്കൾ. ഫൈനലിൽ എ.യു.പി.എസ്. മഡോണയെ ഷൂട്ടൗട്ടിൽ (1-2) പരാജയപ്പെടുത്തി.

ഫൈനലിലെ മികച്ച താരമായി എ.യു.എ.യു.പി.എസ്. നെല്ലിക്കുന്നിെല ഷംനാസിനെ തിരഞ്ഞെടുത്തു. ചാമ്പ്യൻഷിപ്പിലെ 25 മികച്ച താരങ്ങളെ മുനിസിപ്പൽതല ക്യാമ്പിലേക്ക് തിരഞ്ഞെടുത്തു.

ചാമ്പ്യൻഷിപ്പ് എൻ.എ. നെല്ലിക്കുന്ന് എം.എൽ.എ. ഉദ്ഘാടനംചെയ്തു. വിജയികൾക്കുള്ള ട്രോഫികൾ കാസർകോട് നഗരസഭാ ചെയർമാൻ അബ്ബാസ് ബീഗം വിതരണംചെയ്തു. വൈസ് ചെയർപേഴ്‌സൺ ഷംസീദ ഫിറോസ്, സഹീർ ആസിഫ്, ഖാലിദ് പച്ചക്കാട്, സിയാന ഹനീഫ്, സിദ്ദീഖ് ചക്കര, അബ്ദുൾ റഹ്‌മാൻ ചക്കര, ടി.എസ്. സൈനുദ്ദീൻ, സമീറ അബ്ദുൾ റസാഖ്, കെ.എം. ബഷീർ തുടങ്ങിയവർ പങ്കെടുത്തു.