കേരള സീനിയർ കബഡിയിൽ സംഘശക്തി മധൂർ ജേതാക്കൾ

മഞ്ചേശ്വരം : തുമിനാട് അറബ് റൈഡേഴ്‌സ് ക്ലബ്ബിന്റെ 12-ാം വാർഷികത്തോടനുബന്ധിച്ച് സംഘടിപ്പിച്ച കേരള സീനിയർ കബഡി ടൂർണമെന്റിൽ സംഘശക്തി മധൂർ ചാമ്പ്യൻസ് ട്രോഫി കരസ്ഥമാക്കി. റെഡ് വേൾഡ് കൊപ്പൽ രണ്ടാംസ്ഥാനവും എ.കെ.ജി. ആറാട്ട് കടവ് മൂന്നാംസ്ഥാനവും തുമിനാട് അറബ് റൈഡേഴ്‌സ് നാലാംസ്ഥാനവും കരസ്ഥമാക്കി.

എ.കെ.എം. അഷ്റഫ് എം.എൽ.എ. ഉദ്ഘാടനം ചെയ്തു. ക്ലബ് പ്രസിഡന്റ് അഷ്റഫ് സാക്ലിൻ അധ്യക്ഷനായി. മഞ്ചേശ്വരം പഞ്ചായത്ത് പ്രസിഡന്റ് ജീൻ ലവീന മൊന്തേരോ, വൈസ് പ്രസിഡന്റ് മുഹമ്മദ് സിദ്ദീഖ്, അസീസ് ഹാജി, മുസ്തഫ കടമ്പാർ, ദയകര മട, മുനീർ, മുസ്തഫ ഉദ്യാവര തുടങ്ങിയവർ സംസാരിച്ചു.

കേരള സ്കൂൾ കായികമേള സബ് ജൂനിയർ വിഭാഗം 100 മീറ്റർ ഓട്ടമത്സരജേതാവ് നിയാസ് അഹമ്മദ്, ഐ.ടിയിൽ മികവ് തെളിയിച്ച സിറാജുൽ ഹുദാ സ്കൂൾ വിദ്യാർഥി അഫ്താബ് ഫയാസ്, സാമൂഹികപ്രവർത്തകൻ ഇല്യാസ് തുമിനാട് തുടങ്ങിയവർക്ക് ഉപഹാരം നൽകി.