ആവേശം കൂട്ടാൻ മന്ത്രിയെത്തി

കോലഞ്ചേരി : സംസ്ഥാന സ്കൂൾ കായികമേളയുടെ വേദികളിലൊന്നായ കോലഞ്ചേരി സെയ്ന്റ് പീറ്റേഴ്സ് വൊക്കേഷണൽ ആൻഡ് ഹയർ സെക്കൻഡറി സ്കൂളിൽ മന്ത്രി വി. ശിവൻകുട്ടിയെത്തിയത് മത്സരാർഥികൾക്കും സംഘാടകർക്കും ആവേശമായി. വോളിബോൾ മത്സരാർഥികളെ മന്ത്രി പരിചയപ്പെട്ടു. സ്കൂൾ ബോർഡ് ചെയർമാൻ ഫാ. ജേക്കബ് കുര്യൻ, മാനേജർ മാത്യു പി. പോൾ, വടവുകോട് ബ്ലോക്ക് സ്ഥിരംസമിതി അധ്യക്ഷന്മാരായ ജൂബിൾ ജോർജ്, ടി.ആർ. വിശ്വപ്പൻ, പഞ്ചായത്തംഗങ്ങളായ സംഗീത ഷൈൻ, ജിംസി മേരി, എൻ.വി. കൃഷ്ണൻകുട്ടി, മുൻ ജില്ലാ പഞ്ചായത്തംഗം ജോർജ് ഇടപ്പരത്തി, ഉപജില്ലാ വിദ്യാഭ്യാസ ഓഫിസർ ജി. പ്രീതി, ഹയർ സെക്കൻഡറി പ്രിൻസിപ്പൽ ഹണി ജോൺ തേനുങ്കൽ, വി.എച്ച്.എസ്. പ്രിൻസിപ്പൽ പി. മേരി, ഹെഡ്മിസ്ട്രസ് ജസ്‌മോൾ വി. ചാക്കപ്പൻ, പി.ടി.എ. പ്രസിഡന്റ് ജിബി പോൾ, റെജി ഇല്ലിക്കാപറമ്പിൽ തുടങ്ങിയവർ ചേർന്നാണ് മന്ത്രിയെ സ്വീകരിച്ചത്.