കവി മഹിജയ്ക്ക് അഴിയൂരിൻ്റെ അനുമോദനം

കവി മഹിജയ്ക്ക്

അഴിയൂരിൻ്റെ

അനുമോദനം 

അഴിയൂർ :സാഹിത്യത്തിലെ സമഗ്ര സംഭാവനക്കുള്ള ഭാരത് സേവക് സമാജിന്റെ ദേശീയ പുരസ്കാരം നേടിയ പ്രമുഖ എഴുത്തുകാരിയും സാമൂഹിക പ്രവർത്തകയുമായ മഹിജ തോട്ടത്തിലിനെ അഴിയൂർ ഗ്രാമപഞ്ചായത്ത് ഭരണസമിതിയുടെ ആഭിമുഖ്യത്തിൽ അനുമോദിച്ചു.

ഗ്രാമപഞ്ചായത്ത് പ്രസിഡണ്ട് ആയിഷ ഉമ്മർ സ്നേഹോപഹാരം കൈമാറി. ഗ്രാമപഞ്ചായത്ത്‌ വൈസ് പ്രസിഡണ്ട് ശശിധരൻ തോട്ടത്തിൽ,വികസന സ്റ്റാന്റിംഗ് കമ്മിറ്റി ചെയർപേഴ്സൺ അനിഷ ആനന്ദസദനം, ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ അബ്ദുൾ റഹീം പുഴക്കൽ പറമ്പത്ത്, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ  രമ്യ കരോടി, വാർഡ് ജനപ്രതിനിധികൾ, ഉദ്യോഗസ്ഥർ എന്നിവർ സംബന്ധിച്ചു.