കൂത്തമ്പലമുണർന്നു.. ഇനി അഞ്ചുനാൾ നൂപുരധ്വനി...

വൈലോപ്പിള്ളിയെ മധുമക്ഷിക എന്നുവിളിച്ചത് കുഞ്ഞിരാമനാണ്.കവിതയുടെയും മാനവീകതയുടെയും മാമ്പൂമണമായി ആദ്യൻ വിശ്വവിഹായസിൽ അലിഞ്ഞുചേർന്നിട്ടു പതിറ്റാണ്ടുകൾ പിന്നിടുന്നു.നിത്യ കന്യകയുടെ കൈവളക്കിലുക്കത്തിനു പിന്നാലെ ഉന്മാദിയായി അലഞ്ഞ്,ഇടവിൽ രാത്രിസത്രത്തിന്റെ യാഗശാലയിൽ നെയ് 

വിളക്കായി ദ്വിതീയൻ കത്തിയമർന്നിട്ടും പതിറ്റാണ്ടുകൾ പിന്നിടുന്നു.ഈ കൂത്തമ്പ ലത്തിന് മുന്നിലെ തുളസിത്തറയിൽ അരൂപികളായ ദേവതകൾ  മൂന്നാം യാമങ്ങളിലെത്തി വിളക്കുവെച്ചു തൊഴുതുമടങ്ങാറുണ്ട്.

കൂത്തമ്പലത്തിനുള്ളിലെ മാമ്പഴക്കാരന്റെ ഛായാപടത്തിൽ ദേവന്മാർ ത്രിസന്ധ്യ

കളിലെത്തി രക്തഹാരം ചാർത്താറുണ്ട്...

അവൻ പണ്ട് കൊളുത്തി നൽകിയ ഗതീയതയുടെ ആ പന്തങ്ങൾ ഈ കൂത്ത മ്പലത്തിൽ ഇന്നും കെടാതെ സൂക്ഷിക്കാൻ ചോരതുടിക്കുന്ന ചെറുകയ്യുകൾ എന്നും ഉണ്ടായിരുന്നു...

ഇപ്പോൾ ഗ്രാൻഡ് മാസ്റ്റർ ജി.എസ് പ്രദീപും മനീഷും സഹപ്രവർത്തകരും ഇവിടുത്തെ സായന്തനങ്ങളെ സമ്മോഹനമാക്കിയിരിക്കുന്നു...

യുവതയുടെ നൃത്ത നൃത്യങ്ങൾ വിരിയുന്ന ചിലങ്ക 

നൃത്തോത്സവത്തിന് ഇന്നലെ വൈലോപ്പിള്ളി സംസ്‌കൃത്യഭവനിൽ തിരിതെളിഞ്ഞു...

ആസ്വാദക നിബിഢമായിരുന്ന പ്രൗഡ സദസിനെ സാക്ഷിനിർത്തി ഭാരവാഹികളും നൃത്താചാര്യന്മാരും ചേർന്നു തിരികൊളുത്തി.

റിപ്പോർട്ട് : ജി.ഹരി നീലഗിരി