സംസ്ഥാന റൈഫിൾ അസോസിയേഷൻ ഷൂട്ടിങ്‌ ചാമ്പ്യൻഷിപ്പ്: കോഴിക്കോട്‌ ജില്ലയ്ക്ക്‌ ഓവറോൾ കിരീടം

ആറന്മുള: 58-ാമത്‌ സംസ്ഥാന റൈഫിൾ അസോസിയേഷൻ ഷൂട്ടിങ്‌ ചാമ്പ്യൻഷിപ്പിൽ കോഴിക്കോട്‌ ജില്ലാ റൈഫിൾ അസോസിയേഷൻ ഓവറോൾ കിരീടം സ്വന്തമാക്കി. പാലക്കാട്, തൃശൂർ ജില്ലകൾ യഥാക്രമം രണ്ടും മൂന്നും സ്ഥാനങ്ങൾ നേടി. ആറന്മുള മാലക്കരയിലുള്ള ദ്രോണാചാര്യ പ്രൊഫ. സണ്ണി തോമസ്‌ നഗറിൽ നടന്ന മത്സരങ്ങളുടെ സമാപന സമ്മേളനം അഡ്വ. വർഗീസ്‌ മാമ്മൻ എം.എൽ.എ ഉദ്ഘാടനം ചെയ്തു. ജില്ലാ കളക്ടർ എ. നിസാമുദീൻ ചടങ്ങിൽ അധ്യക്ഷത വഹിച്ചു.

​ഒരാഴ്ച നീണ്ടുനിന്ന ചാമ്പ്യൻഷിപ്പിൽ 1200 കുട്ടികളാണ് പങ്കെടുത്തത്. മുൻ എം.എൽ.എ രാജു ഏബ്രഹാം, ട്രേഡ് കമ്മീഷണർ രഞ്ജിത്, റൈഫിൾ അസോസിയേഷൻ ഭാരവാഹികളായ പ്രൊഫ. വി.സി. ജെയിംസ്‌, ഡോ. കെ.എസ്. ജഗൻ മോഹൻ, റോയി മാത്യു, മാത്യു കെ. ജേക്കബ്‌, ടി.ഇ. വർഗീസ്‌, സാം കാവുംമണ്ണിൽ എന്നിവർ സംസാരിച്ചു. ചാമ്പ്യൻഷിപ്പുമായി ബന്ധപ്പെട്ട പരിശീലകരെയും സാങ്കേതിക പ്രവർത്തകരെയും ചടങ്ങിൽ ആദരിച്ചു.