സംസ്ഥാന സബ് ജൂനിയർ ബാസ്കറ്റ്ബോള്‍: ആൺകുട്ടികളിൽ കോഴിക്കോടും പെൺകുട്ടികളിൽ എറണാകുളവും ചാമ്പ്യന്മാർ

കളമശ്ശേരി: രാജഗിരി ക്യാമ്പസ് കോർട്ടിൽ സമാപിച്ച 51-ാമത് സംസ്ഥാന സബ് ജൂനിയർ ബാസ്കറ്റ്ബോൾ ചാമ്പ്യൻഷിപ്പിൽ ആൺകുട്ടികളുടെ വിഭാഗത്തിൽ കോഴിക്കോടും പെൺകുട്ടികളുടെ വിഭാഗത്തിൽ എറണാകുളവും കിരീടം സ്വന്തമാക്കി. ആൺകുട്ടികളുടെ ഫൈനലിൽ കോട്ടയത്തെ (64-41) സ്കോറിന് തോൽപ്പിച്ചാണ് കോഴിക്കോട് ജേതാക്കളായത്. പെൺകുട്ടികളുടെ ഫൈനൽ പോരാട്ടത്തിൽ ആലപ്പുഴയെ (60-46) കീഴടക്കിയാണ് എറണാകുളം ചാമ്പ്യന്മാരായത്.

​മൂന്നാം സ്ഥാനത്തിനായുള്ള മത്സരത്തിൽ ആൺകുട്ടികളുടെ വിഭാഗത്തിൽ തൃശൂരിനെ തോൽപ്പിച്ച് (56-45) എറണാകുളവും, പെൺകുട്ടികളുടെ വിഭാഗത്തിൽ കോഴിക്കോടിനെ മറികടന്ന് (35-32) തിരുവനന്തപുരവും വെങ്കലം നേടി. സമാപന ചടങ്ങിൽ ഫിഷറീസ്-സാമൂഹിക നീതി വകുപ്പ് മന്ത്രി വി.ഇ. അബ്ദുൾ ഗഫൂർ സമ്മാനദാനം നിർവഹിച്ചു. എറണാകുളം ജില്ലാ ബാസ്കറ്റ്ബോൾ അസോസിയേഷൻ രക്ഷാധികാരി റവ. ഫാ. മാർട്ടിൻ മുണ്ടാടൻ സി.എം.ഐ, കെ.എഫ്.എ പ്രസിഡന്റ് നവാസ് മീരാൻ എന്നിവർ വിജയികൾക്ക് ട്രോഫികൾ വിതരണം ചെയ്തു.