വിൻസന്റ് വാൻ ഗോഗ് ജൂലായ്29 (ഓർമ ദിനം)

" എന്റെ ചിത്രങ്ങൾക്ക് അതിന് ഉപയോഗിച്ച ചായങ്ങളേക്കാൾ വിലയുണ്ടെന്ന് തിരിച്ചറിയുന്ന കാലം. വരും "....വാൻ ഗോഗ്

 തിരിച്ചറിയുന്ന കാലം വരുമ്പോഴേക്കും കലാകാരൻ തിരശ്ശീലക്ക് പിന്നിൽ മറഞ്ഞു പോയിരുന്നു.

ഇരുപതാംനൂറ്റാണ്ടിന്റെ ചിത്രകലയെ ഏറ്റവും സ്വാധീനിച്ച മഹാപ്രതിഭ.

നിറക്കൂട്ടുകൾ കൊണ്ട് ഭാവസാന്ദ്രമായ മനുഷ്യമുഖങ്ങൾ ഛായാ ചിത്രങ്ങളായി വരച്ച് കാലത്തെ അതിജീവിച്ചചിത്രകാരൻ. ഒലീവ് മരങ്ങളെയും പഴത്തോട്ടങ്ങളുടെ പൂക്കാലത്തെയും സൂര്യകാന്തി പൂക്കളെയും ഗോതമ്പ് പാടങ്ങളുടെ ജനാല കാഴ്ചകളെയും മനസ്സിൽ അലിയിപ്പിച്ച് സ്വർണ്ണ നീലിമയുടെ ചാരുതയാർന്ന വർണ്ണ ചിത്രങ്ങളായി ആവിഷ്കരിച്ച രഞ്‌ജന പ്രതിഭ.  

" നക്ഷത്ര നിബിഡമായ രാവി"ൽ" നൈറ്റ് കഫെയി"ലിരുന്ന് "ഉരുളക്കിഴങ്ങ് തീറ്റക്കാർ"ക്കൊപ്പം "സൂര്യകാന്തി പൂക്കൾ" നെഞ്ചോട് ചേർത്ത് "സ്വഛായാ ചിത്രങ്ങൾ" വരച്ച്"ഗോതമ്പ്പാടത്തെകാക്ക"കളോടൊപ്പം അനന്തതയിലേക്ക് മറന്നുപോയ ചിത്രകാരാ അങ്ങയുടെസ്മരണകൾക്ക് മുമ്പിൽ അഞ്ജലികൾ