ഇതൾ വിരിയുകയാണ് കെ.പി. കുമാരന്റെ സിനിമാ ലോകം :ചാലക്കര പുരുഷു

ജൻമദിനത്തിൽ മെഗാ രക്തദാന ക്യാമ്പുമായി മാഹി എം.എൽ.എ

മാഹി: ജൻമദിനം സന്നദ്ധ രക്തദാന സന്ദേശവുമായി ആചരിക്കാൻ മാഹി എം.എൽ.എ അഡ്വ. ടി. അശോക് കുമാർ. ജൂലൈ 15-ന് മാഹി മേരി മാതാ ഓഡിറ്റോറിയത്തിൽ മെഗാ സന്നദ്ധ രക്തദാന ക്യാമ്പ് സംഘടിപ്പിക്കുമെന്ന് അദ്ദേഹം അറിയിച്ചു. എം.എൽ.എ തന്നെ രക്തദാനം ചെയ്ത് ക്യാമ്പിന് തുടക്കം കുറിക്കും.

ബ്ലഡ് ഡോണേഴ്സ് കേരളയുടെ സഹകരണത്തോടെയാണ് ക്യാമ്പ് സംഘടിപ്പിക്കുന്നത്. കൂടുതൽ യുവാക്കളെ സന്നദ്ധ രക്തദാന രംഗത്തേക്ക് ആകർഷിക്കുക, രക്തബാങ്കുകളിൽ ആവശ്യമായ രക്തശേഖരം ഉറപ്പാക്കുക, മാഹി നിയോജക മണ്ഡലത്തെ സന്നദ്ധ രക്തദാന രംഗത്ത് മാതൃകയാക്കുക എന്നിവയാണ് ക്യാമ്പിന്റെ ലക്ഷ്യം.

വിദ്യാർത്ഥിയായിരിക്കെ മണിപ്പാൽ കസ്തൂർബ മെഡിക്കൽ കോളേജിൽനിന്ന് രക്തദാനം ആരംഭിച്ച ടി. അശോക് കുമാർ, വർഷങ്ങളായി സന്നദ്ധ രക്തദാന പ്രവർത്തനങ്ങളുമായി ബന്ധപ്പെട്ട് പ്രവർത്തിച്ചുവരികയാണ്. ജനപ്രതിനിധിയായ ശേഷവും സാമൂഹിക പ്രതിബദ്ധതയുള്ള പ്രവർത്തനങ്ങൾക്ക് മുൻഗണന നൽകുന്നതിന്റെ ഭാഗമായാണ് ജൻമദിനത്തിൽ രക്തദാന ക്യാമ്പ് സംഘടിപ്പിക്കുന്നതെന്ന് അദ്ദേഹം വ്യക്തമാക്കി.

എം.എൽ.എയുടെ പ്രഖ്യാപനത്തെ ബ്ലഡ് ഡോണേഴ്സ് കേരള സ്വാഗതം ചെയ്തു. രക്തം ആവശ്യമായി വരുന്ന സമയത്ത് ദാതാക്കളെ അന്വേഷിക്കുന്ന സാഹചര്യം ഒഴിവാക്കാൻ രക്തബാങ്കുകളിൽ മതിയായ ശേഖരം നിലനിർത്തേണ്ടത് സമൂഹത്തിന്റെ കൂട്ടായ ഉത്തരവാദിത്വമാണെന്നും സംഘടന നേതാക്കൾ പറഞ്ഞു.

ചിത്ര വിവരണം: രക്തദാനസേനാംഗങ്ങൾ എം.എൽ.എ അഡ്വ: ടി. അശോക് കുമാറിനൊപ്പം.

കോളേജ് ഓഫ് നഴ്‌സിംഗ് 'ഫുട്ബോൾ ഫിയസ്റ്റ 2026' സംഘടിപ്പിച്ചു

തലശ്ശേരി: കോളേജ് ഓഫ് നഴ്‌സിംഗ് തലശ്ശേരിയിലെ എൻ.എസ്.എസ് യൂണിറ്റ്, എസ്.എൻ.എ, കോളേജ് യൂണിയൻ എന്നിവയുടെ ആഭിമുഖ്യത്തിൽ ഫുട്ബാൾ ഫിയസ്റ്റ - 2026 സംഘടിപ്പിച്ചു. . കിക്ക് ദ മോൾ , നോട്ട് ദ ഹാബിറ്റ്" എന്ന സന്ദേശമുയർത്തി യുവജനങ്ങളിൽ കായിക മനോഭാവവും ലഹരിവിരുദ്ധ ബോധവത്കരണവും വളർത്തുക എന്ന ലക്ഷ്യത്തോടെയായിരുന്നു പരിപാടി.

തലശ്ശേരി അസിസ്റ്റന്റ് കമ്മീഷണർ ഓഫ് പൊലീസ് ഡോ.എം. നന്ദഗോപൻ ഉദ്ഘാടനം ചെയ്തു. ആദ്യ കിക്ക് നിർവഹിച്ച് അദ്ദേഹം ഫുട്ബോൾ ഫിയസ്റ്റയ്ക്ക് ഔദ്യോഗിക തുടക്കം കുറിച്ചു. പ്രിൻസിപ്പൽ ഡോ. സ്വപ്ന ജോസ് അധ്യക്ഷത വഹിച്ചു.

കേരള കോ-ഓപ്പറേറ്റീവ് ഹോസ്പിറ്റൽ ഫെഡറേഷൻ മാനേജിങ് ഡയറക്ടർ സി.മോഹനൻ, അഡ്മിനിസ്ട്രേറ്റീവ് ഓഫീസർ കെ.വേലായുധൻ വൈസ് പ്രിൻസിപ്പൽ പി.വി. സജന , കോളേജ് യൂണിയൻ അഡ്വൈസർ ശ്രുതി, എസ്.എൻ.എ അഡ്വൈസർ ഷെറിംഗ് പോൾ സംസാരിച്ചു.

 വിദ്യാർഥികളുടെ യൂണിറ്റി ബോൾ ഒപ്പുശേഖരണം, ഫുട്ബോൾ ക്വിസ്, ഫ്ലാഷ് മോബ്, ലഹരിവിരുദ്ധ നൃത്താവിഷ്കാരം എന്നിവ നടന്നു. തുടർന്ന് കോളേജ് ഗ്രൗണ്ടിൽ സൗഹൃദ ഫുട്ബോൾ മത്സരങ്ങൾ സംഘടിപ്പിച്ചു.

ചിത്രവിവരണം:തലശ്ശേരി അസിസ്റ്റന്റ് കമ്മീഷണർ ഓഫ് പൊലീസ് ഡോ.എം. നന്ദഗോപൻ ഉദ്ഘാടനം ചെയ്യുന്നു.

ഒ.ആബു അനുസ്മരണവും അവാർഡ് സമർപ്പണവും 14 ന്

തലശ്ശേരി: തലശ്ശേരി മാപ്പിള കലാ കേന്ദ്രം വർഷം തോറും നടത്തി വരുന്ന, വിശ്രുത ഗ്രന്ഥകാരനും മാപ്പിളപ്പാട്ടു രചയിതാവുമായിരുന്ന ഒ.ആബു സാഹിബിൻ്റെ 46-ാംമത് അനുസ്മരണവും പതിനേഴാമത് ഒ.ആബു സ്മാരക അവാർഡു സമർപ്പണവും ജൂലയ് 14ന് നടക്കും. മാപ്പിളപ്പാട്ട് ഗവേഷകനും രചയിതാവുമായ അബ്ദുൽ ഖാദർ വിൽ റോഡിക്കാണ് അവാർഡ്.

   തലശ്ശേരി പഴയ ബസ്സ്റ്റാൻ്റ് പാർക്കോ റസിഡൻസിയിൽ നടക്കുന്ന ചടങ്ങ് കാരായി രാജൻ എം.എൽ.എ. ഉദ്ഘാടനം ചെയ്യും. പ്രസിഡണ്ട് പ്രൊഫ. എ.പി.സുബൈർ അധ്യക്ഷത വഹിക്കും. മാപ്പിളപ്പാട്ട് ഗവേഷകൻ കെ.അബൂബക്കർ അനുസ്മരണ പ്രഭാഷണം നടത്തും.

 അഡ്വ.എം.വി.മുഹമ്മദ് സലീം, ടി.കെ.ഡി. മുഴപ്പിലങ്ങാട്, മമ്പറം ദിവാകരൻ, സമീർ ധർമ്മടം, പി.എം.അഷറഫ്, കെ.ശിവദാസൻ, സൈറമുഹമ്മദ്, എ.കെ.ഇബ്രാഹിം, ബക്കർ തോട്ടുമ്മൽ, ഉസ്മാൻ പി. വടക്കുമ്പാട്, ജാഫർ ജാസ്സ് തുടങ്ങിയവർ സംസാരിക്കും. തുടർന്ന് തലശ്ശേരി ജാസ്സ് മ്യൂസിക്സിൻ്റെ ഗാന വിരുന്നും അരങ്ങേറും.

മാങ്ങോട്ടും കാവിൽ കാർത്തിക വിളക്ക് ഇന്ന്

 ന്യൂമാഹി : ശ്രീ മാങ്ങോട്ടും കാവ് ഭഗവതി ക്ഷേത്രത്തിൽ കാർത്തിക വിളക്ക് 11 ന് ശനിയാഴ്ച നടക്കും.കാലത്ത് 6 മണി മുതൽ വൈകിട്ട് 6 വരെ അഖണ്ഡനാമജപം, വൈകിട്ട് 6.15ന് ദീപാരാധന,നെയ് വിളക്ക് സമർപ്പണം, ഭജന പൂമൂടൽ അത്താഴപൂജ .

സാവിത്രി നിര്യാതയായി

ന്യൂമാഹി:പൊതുവാച്ചേരി ഈസ്റ്റ് യു .പി സ്‌കൂളിന് സമീപം കുഞ്ഞിപ്പറ മ്പത്ത് സാവിത്രി (82) നിര്യാതയായി. ഭർത്താവ്: പരേതനായ നാണു. മക്കൾ: വിനോദിനി,. വിവേക് (ഹെയർ സ്റ്റൈൽ, പള്ളൂർ), വിനിത. മരുമക്കൾ: രാജൻ, പരേതരായ ബിന്ദു, രാജൻ. സംസ്കാരം ഇന്ന് രാവിലെ 10 മണിക്ക് വീട്ടുവളപ്പിൽ.