ഡോ. ഇഖ്ബാൽ കെ.എം.ന് അമേരിക്കൻ സർവകലാശാലയുടെ ഓണററി ഡോക്ടറേറ്റ്

ദുബായ്: ലോകപ്രശസ്ത കരാട്ടെ-ഡോ പരിശീലകനും തായ് ചി ഇൻസ്ട്രക്ടറുമായും യോഗ-നാച്ചുറോപതി വിദഗ്ധനായും ശ്രദ്ധേയനായ ഡോ. ഇഖ്ബാൽ കെ.എം. അമേരിക്കയിലെ സെഡാർബ്രൂക് യൂണിവേഴ്സിറ്റിയുടെ മാർഷ്യൽ ആർട്സ് & ഹോളിസ്റ്റിക് വെൽനെസ് മാനേജ്മെന്റ് വിഭാഗത്തിൽ നിന്ന് ഡോക്ടർ ഓഫ് ബിസിനസ് അഡ്മിനിസ്ട്രേഷൻ (Honoris Causa) ഓണററി ഡോക്ടറേറ്റ് ബഹുമതിക്ക് അർഹനായി.

ദുബായിൽ സംഘടിപ്പിച്ച ചടങ്ങിൽ സർവകലാശാലയുടെ പ്രതിനിധി അദ്ദേഹത്തിന് ബഹുമതി സമ്മാനിച്ചു. അമേരിക്ക, യുഎഇ, ഇന്ത്യ എന്നിവിടങ്ങളിൽ നിന്നുള്ള വിദ്യാഭ്യാസ-കായിക രംഗത്തെ പ്രമുഖർ ചടങ്ങിൽ സന്നിഹിതരായി.

കരാട്ടെ രംഗത്ത് ഇന്ത്യയുടെ അഭിമാനമായി മാറിയ ഡോ. ഇഖ്ബാൽ കെ.എം., സ്പോർട്സ് അതോറിറ്റി ഓഫ് ഇന്ത്യയിൽ നിന്ന് 'A' ഗ്രേഡോടെ എൻ.ഐ.എസ് (NIS) യോഗ്യത നേടിയ ആദ്യ ഇന്ത്യക്കാരൻ എന്ന അപൂർവ നേട്ടവും സ്വന്തമാക്കിയിട്ടുണ്ട്.

ഇതിന് മുമ്പ് ജർമ്മനിയിലെ സർവകലാശാലയിൽ നിന്ന് ഓണററി ഡോക്ടറേറ്റും അമേരിക്കയിലെ മറ്റൊരു സർവകലാശാലയിൽ നിന്ന് ഡോക്ടർ ഓഫ് സയൻസ് (Honoris Causa) ബിരുദവും അദ്ദേഹത്തിന് ലഭിച്ചിരുന്നു. നാച്ചുറോപതി & യോഗയിൽ മെഡിക്കൽ ബിരുദം നേടിയിട്ടുള്ള അദ്ദേഹം, സ്പോർട്സ് സയൻസ്, സ്പോർട്സ് അഡ്മിനിസ്ട്രേഷൻ എന്നീ വിഷയങ്ങളിൽ ബിരുദാനന്തര ബിരുദങ്ങളും കരസ്ഥമാക്കിയിട്ടുണ്ട്.