ഇനിയും 'കാണാഡാ'; സൗത്ത് ആഫ്രിക്കയെ വീഴ്ത്തി കാനഡ ലോകകപ്പ് പ്രീ-ക്വാർട്ടറിൽ

ഇഞ്ചുറി ടൈമിലെ നാടകീയ ഗോളിൽ സൗത്ത് ആഫ്രിക്കയെ കീഴടക്കി ആതിഥേയരായ കാനഡ 2026 ഫിഫ ലോകകപ്പിന്റെ പ്രീ-ക്വാർട്ടറിലേക്ക് യോഗ്യത നേടി. ഇന്ന് നടന്ന ആവേശകരമായ നോക്കൗട്ട് മത്സരത്തിൽ എതിരില്ലാത്ത ഒരു ഗോളിനായിരുന്നു കാനഡയുടെ വിജയം. ഇതോടെ ഈ വർഷത്തെ ലോകകപ്പിൽ പ്രീ-ക്വാർട്ടർ ഉറപ്പിക്കുന്ന ആദ്യ ടീമായി കാനഡ മാറി.

​മത്സരത്തിന്റെ ആദ്യപകുതി ഗോൾരഹിത സമനിലയിലാണ് അവസാനിച്ചത്. ഇരുടീമുകളും ഗോൾ നേടാൻ നിരവധി ശ്രമങ്ങൾ നടത്തിയെങ്കിലും ഒന്നും ലക്ഷ്യത്തിലെത്തിക്കാനായില്ല. മത്സരം നിശ്ചിത സമയവും കഴിഞ്ഞ് അധികസമയത്തേക്ക് (എക്സ്ട്രാ ടൈം) നീങ്ങുമെന്ന് കരുതിയിരുന്ന നിമിഷത്തിലാണ് കാനഡയുടെ വിജയഗോൾ പിറന്നത്.

​ഇഞ്ചുറി ടൈമിന്റെ രണ്ടാം മിനിറ്റിൽ (90+2) സ്റ്റീഫനാണ് കാനഡയ്ക്കായി വിജയഗോൾ വലയിലെത്തിച്ചത്. കാനഡ, മെക്സിക്കോ, അമേരിക്ക എന്നീ രാജ്യങ്ങൾ സംയുക്തമായാണ് 2026 ഫിഫ ലോകകപ്പിന് ആതിഥേയത്വം വഹിക്കുന്നത്.