കേപ് വെർദെ നന്നായി കളിച്ചു, ഗോളിലേക്ക് ഇടം നൽകാതെ പ്രതിരോധിച്ചു; സമനിലയ്ക്ക് പിന്നാലെ സ്പാനിഷ് കോച്ച്

മാഡ്രിഡ്: കേപ് വെർദിക്കെതിരെ ലളിതമായി വിജയിക്കാമെന്ന സ്പെയിന്റെ കണക്കുകൂട്ടലുകൾ പിഴച്ചതായും എതിരാളികളുടെ മികച്ച പ്രതിരോധവും പോരാട്ടവീര്യവുമാണ് മത്സരത്തിൽ തിരിച്ചടിയായതെന്നും സ്പാനിഷ് കോച്ച് ലുയിസ് ലാ ഫ്യുണ്ടെ. കരുത്തരായ സ്പെയിനെ ഗോൾരഹിത സമനിലയിൽ തളച്ച കേപ് വെർദിയുടെ പ്രകടനത്തെ അഭിനന്ദിച്ച കോച്ച്, അവർ പ്രതിരോധത്തിൽ മാത്രമല്ല മുന്നേറ്റത്തിലും തങ്ങളെ ഞെട്ടിച്ചതായി വ്യക്തമാക്കി.

​മത്സരശേഷം മാധ്യമങ്ങളോട് സംസാരിക്കവെ, ഒരു കൺകറന്റ് ടീമായി മികച്ച പോരാട്ടം നടത്താൻ കേപ് വെർദിക്ക് സാധിച്ചതായി കോച്ച് ലുയിസ് ലാ ഫ്യുണ്ടെ പറഞ്ഞു. മത്സരത്തിൽ സ്പെയിൻ ധാരാളം അവസരങ്ങൾ സൃഷ്ടിച്ചെങ്കിലും ഒരു ഗോൾ പോലും നേടാൻ സാധിച്ചില്ല. ഗോളിലേക്ക് വഴിതുറക്കാൻ കഴിയാതെ പോയതിലെ പോരായ്മകൾ വരും മത്സരങ്ങളിൽ പരിഹരിക്കുമെന്നും അദ്ദേഹം കൂട്ടിച്ചേർത്തു. മുപ്പതിലധികം മത്സരങ്ങളിൽ തോൽവിയറിയാതെ മുന്നേറുന്ന സ്പെയിൻ ടീമിന് കളിക്കളത്തിൽ ഒട്ടും സംശയമുണ്ടാകരുതെന്നും, അടുത്ത മത്സരങ്ങളിൽ കൂടുതൽ ജാഗ്രതയോടെയും മികവോടെയും ടീം കളിക്കുമെന്നും കോച്ച് ആത്മവിശ്വാസം പ്രകടിപ്പിച്ചു.

​അതേസമയം, 40-കാരനായ കേപ് വെർദി ഗോൾകീപ്പർ വൊസീഞ്ഞയുടെ അസാമാന്യ പ്രകടനമാണ് സ്പെയിനെ പ്രധാനമായും തളച്ചിട്ടത്. ഗോളെന്നുറച്ച പല ഷോട്ടുകളും വൊസീഞ്ഞ സമർത്ഥമായി രക്ഷപ്പെടുത്തി. ഈ പ്രായത്തിലും അദ്ദേഹം കാഴ്ചവെച്ച മികച്ച പ്രകടനത്തെ ഫുട്ബോൾ പ്രേമികളും ഇപ്പോൾ സോഷ്യൽ മീഡിയയിലൂടെ അഭിനന്ദിക്കുകയാണ്.