പ്രേംജിത്ത് ചോമ്പാലയുടെ പുതിയ നോവൽ ‘ഒരു പരാജിതൻ്റെ കഥ’: ടൈറ്റിൽ പ്രകാശനം ചെയ്തു

 ‘യഥേഷ്ടം ഞാൻ’ എന്ന ആദ്യ കഥാസമാഹാരത്തിന് ശേഷം പ്രേംജിത്ത് രചിക്കുന്ന നോവലാണിത്.

ചന്ദ്രൻ എം.ടി.കെ., അനുഷ ധനുഷ്, സുജില അനീഷ്, ബിന്ദു ചന്ദ്രൻ, ശോഭ, അനിത, പത്മജ, ഇമയ് പാർവൺ, ആഷ്ലി ധനുഷ് എന്നിവർ സംസാരിച്ചു.

പുസ്തക പ്രകാശനം

നോവലിന്റെ ഔദ്യോഗിക പ്രകാശനം 2026 മെയ് 7-ന് വടകര മുൻസിപ്പൽ ഓഡിറ്റോറിയത്തിൽ വെച്ച് നടക്കും. ചടങ്ങിൽ സിനിമ-സാഹിത്യ മേഖലയിലെ പ്രമുഖർ പങ്കെടുക്കും.

ദേശീയ പുരസ്‌കാര നിറവിൽ 

കേന്ദ്ര ആസൂത്രണ മന്ത്രാലയത്തിന് കീഴിലുള്ള ഭാരത് സേവക് സമാജ് (BSS) നൽകുന്ന ദേശീയ പുരസ്‌കാരം അടുത്തിടെ പ്രേംജിത്തിനെ തേടിയെത്തിയിരുന്നു. തിരുവനന്തപുരത്ത് നടന്ന ചടങ്ങിൽ ഡോ. കെ.കെ.എൻ. കുറുപ്പ്, ആർ.വി.ജി. മേനോൻ എന്നിവരിൽ നിന്നാണ് അദ്ദേഹം പുരസ്‌കാരം ഏറ്റുവാങ്ങിയത്.

കലാ-സാമൂഹിക മേഖലകളിൽ കാൽനൂറ്റാണ്ടിലേറെയായി അദ്ദേഹം സജീവമാണ്. 1995-ൽ ‘വിദ്യാകേന്ദ്ര’ എന്ന പേരിൽ ആരംഭിച്ച സൗജന്യ ട്യൂഷൻ സെന്ററും 2000-ൽ തുടങ്ങിയ ‘കലാകേന്ദ്ര’ എന്ന സംഘടനയും വഴി നിരവധി ജീവകാരുണ്യ പ്രവർത്തനങ്ങൾക്ക് നേതൃത്വം നൽകി.

ലഹരി വിരുദ്ധ തെരുവ് നാടകങ്ങൾ, വെബ് സീരിയലുകൾ, മ്യൂസിക് ആൽബങ്ങൾ തുടങ്ങി വിവിധ മേഖലകളിൽ ഇദ്ദേഹം തന്റെ മുദ്ര പതിപ്പിച്ചിട്ടുണ്ട്.