ചോമ്പാൽ എൽ.പി സ്‌കൂൾ 127-ാം വാർഷികാഘോഷം നാടിന്റെ ഉത്സവമായി മാറി; സാഹിത്യകാരൻ വീരാൻകുട്ടി ഉദ്ഘാടനം ചെയ്തു

ചോമ്പാല: ചരിത്രപ്പെരുമയുള്ള ചോമ്പാൽ എൽ.പി സ്‌കൂളിന്റെ 127-ാം വാർഷികാഘോഷം പ്രശസ്ത സാഹിത്യകാരൻ വീരാൻകുട്ടി മാസ്റ്റർ ഉദ്ഘാടനം ചെയ്തു.

 വിദ്യാലയ മുറ്റത്ത് നടന്ന പ്രൗഢഗംഭീരമായ ചടങ്ങിൽ പി.ടി.എ പ്രസിഡന്റ് ഷൈലേഷ് കെ.കെ അധ്യക്ഷത വഹിച്ചു.

വിദ്യാലയത്തിന്റെ അഭിമാനമായി മാറിയ മുൻ വിദ്യാർത്ഥികളെയും നിലവിലെ പ്രതിഭകളെയും ചടങ്ങിൽ ആദരിച്ചു. MBBS, MD ബിരുദങ്ങൾ കരസ്ഥമാക്കിയ പൂർവ്വ വിദ്യാർത്ഥികളായ ഡോ .ശ്രേയ ശ്രീധരൻ, ഡോ. നീരജ .ഡിMBBS ബിരുദം കരസ്ഥമാക്കിയ പൂർവ്വ വിദ്യാർത്ഥിനി ഡോ. നീരജ .ഡി യെ ചടങ്ങിൽ ഉപഹാരം നൽകി ആദരിച്ചു എന്നിവർക്കും, എൽ.എസ്.എസ് (LSS) വിജയികളായ അനൈൻ സി, അഥർവ് പി, സുഹൈൽ പി, ശിവദേവ് പി, ശിവദർശ് പി എന്നീ വിദ്യാർത്ഥികൾക്കും ഉപഹാരങ്ങൾ നൽകി. ഭാരത് സേവക് സമാജ് ദേശീയ പുരസ്‌കാര ജേതാവും പ്രമുഖ കലാകാരനും അധ്യാപകനുമായ പ്രേംജിത്ത് ചോമ്പാലയെയും ചടങ്ങിൽ ആദരിച്ചു. 

ഡോ.ശ്രേയശ്രീധരൻ്റെ അസാന്നിധ്യത്തിൽ അച്ഛൻ എ . ടി ശ്രീധരൻ ഉപഹാരം ഏറ്റുവാങ്ങി .ചോമ്പാല എ.ഇ.ഒ സപ്ന ജൂലിയറ്റ് ഉപഹാര സമർപ്പണം നിർവ്വഹിച്ചു.

സുരേഷ് ബാബു (റിട്ട. ഡി.ഡി) ,നാരായണൻ നമ്പ്യാർ (മാനേജർ) ,ഷിമിത്ത് സി.എ. ടി ശ്രീധരൻ .യതീഷ് സി തുടങ്ങിയ പ്രമുഖർ ചടങ്ങിൽ സംസാരിച്ചു:

ഔദ്യോഗിക ചടങ്ങുകൾക്ക് ശേഷം വിദ്യാർത്ഥികൾ, രക്ഷിതാക്കൾ, അധ്യാപകർ എന്നിവർ അണിയിച്ചൊരുക്കിയ വൈവിധ്യമാർന്ന കലാപരിപാടികൾ അരങ്ങേറി. നൂറ്റാണ്ടിലധികം പ്രവർത്തന പാരമ്പര്യമുള്ള വിദ്യാലയത്തിന്റെ വാർഷികാഘോഷം നാടിന്റെ ഉത്സവമായി മാറി.