പ്രേംജിത്ത് ചോമ്പാലക്ക് BSS ദേശീയ പുരസ്‌കാരം .

തിരുവനന്തപുരം : നർത്തകൻ ,കൊറിയോഗ്രാഫർ ,കവി .കഥാകൃത്ത് ,നോവലിസ്റ്റ് ,സംവിധായകൻ ,അഭിനേതാവ് എന്നീ നിലകളിൽ പ്രവർത്തന മികവ് നേടിയ അധ്യാപകൻ കൂടിയായ പ്രേംജിത്ത് ചോമ്പാലയെ ഭാരത് സേവക സമാജ് ദേശീയ പുരസ്ക്കാരം നൽകി ആദരിച്ചു .

തിരുവനന്തപുരം കവടിയാറിലെ സദ്ഭാവന ഓഡിറ്റോറിയത്തിൽ നിരവധി പ്രമുഖവ്യക്തിത്വങ്ങളടങ്ങിയ നിറഞ്ഞസദസ്സിനെ സാക്ഷിയാക്കി ഭാരത് സേവക് സമാജ് ആൾ ഇന്ത്യാ വൈസ് ചെയർമാൻ BS ഗോപകുമാർ ,കാലിക്കറ്റ് യുണിവേഴ്സിറ്റിമുൻ വൈസ് ചാൻസിലറും പ്രമുഖ ചരിത്ര ഗവേഷകനുമായ ഡോ , .കെ കെ എൻ കുറുപ്പ്, കേരള ശാസ്ത്ര സാഹിത്യ പരിഷത്തിന്റെ പ്രസിഡണ്ടും, അനർട്ടിന്റെ ഡയറക്ടറുമായിരുന്ന ആർ വി ജി മേനോൻ എന്നീ പ്രമുഖ വ്യക്തിത്വങ്ങൾ ചേർന്ന് പ്രേംജിത്ത് ചോമ്പാലയെ പുരസ്കാരം നൽകി ആദരിച്ചു .

 ഭാരത് സേവക് സമാജ് ദേശീയ പുരസ്‌കാരം

കേന്ദ്ര ആസൂത്രണ മന്ത്രാലയത്തിന് കീഴിലുള്ള ഭാരത് സേവക് സമാജ് (BSS) നൽകുന്ന ദേശീയ പുരസ്കാരമാണ് പ്രേംജിത്ത് ചോമ്പാലയെ തേടിയെത്തിയിരിക്കുന്ന പ്രധാന ബഹുമതി. മഹാത്മാഗാന്ധി സാമൂഹിക-സാമ്പത്തിക പുനർനിർമ്മാണത്തിനായി ആദ്യം "ലോക് സേവക് സംഘ്" എന്ന് വിഭാവനം ചെയ്ത ഈ സംഘടന, പ്രധാനമന്ത്രി ജവഹർലാൽ നെഹ്റുവിൻ്റെയും ആസൂത്രണ മന്ത്രി ഗുൽസാരിലാൽ നന്ദയുടെയും മാർഗ്ഗനിർദ്ദേശത്തിൽ 1952 ഓഗസ്റ്റ് 12-നാണ് ഔദ്യോഗികമായി ആരംഭിച്ചത്.

ദേശീയ വികസനത്തിനും പൊതുസേവനത്തിനും മാതൃകാപരമായ സംഭാവനകൾ നൽകിയ വ്യക്തികളെയും സംഘടനകളെയും ആദരിക്കുന്ന ഭാരത് സേവക് സമാജ്, കല, കായികം, സാഹിത്യം, സംസ്കാരം, സാമൂഹിക പ്രവർത്തനം തുടങ്ങിയ വിവിധ മേഖലകളിലെ മികച്ച സംഭാവനകൾക്കാണ് ഈ പുരസ്കാരം നൽകുന്നത്.