ചരിത്രവും കൃഷിയും കൈകോർക്കുന്നു; സുഗന്ധവ്യഞ്ജനങ്ങളെക്കുറിച്ചുള്ള നാല് അപൂർവ്വ ഗ്രന്ഥങ്ങൾ കേരള ഭാഷാ ഇൻസ്റ്റിറ്റ്യൂട്ട് പുറത്തിറക്കി

ലോകചരിത്രത്തെയും സാമ്പത്തിക വ്യവസ്ഥയെയും നിയന്ത്രിച്ച സുഗന്ധവ്യഞ്ജനങ്ങളുടെ ചരിത്രം, ആധുനിക കൃഷിരീതികൾ, ആദായവഴികൾ എന്നിവ സമഗ്രമായി പ്രതിപാദിക്കുന്നതാണ് ഈ പുസ്തകപരമ്പര.

ചടങ്ങിന്റെ വിശദാംശങ്ങൾ: ഇൻസ്റ്റിറ്റ്യൂട്ട് ഡയറക്ടർ ഡോ. സത്യൻ മാഷ് അധ്യക്ഷത വഹിച്ച ചടങ്ങിൽ അസിസ്റ്റന്റ് ഡയറക്ടർ ശ്രീ. എൻ. ജയകൃഷ്ണൻ സ്വാഗതം ആശംസിച്ചു. കൃഷി ഓഫീസർ ശ്രീമതി. സ്വപ്ന സി., ഇൻസ്റ്റിറ്റ്യൂഷൻ ഓഫ് എഞ്ചിനീയേഴ്സ് ഇന്ത്യ കേരള സെന്റർ ചെയർമാൻ ശ്രീ. കെ.എസ്. ഉദയകുമാർ, ഗവ. വനിതാ കോളേജ് ബോട്ടണി വിഭാഗം അസോസിയേറ്റ് പ്രൊഫസർ ഡോ. ഗായത്രി ജി.പി. എന്നിവർ പുസ്തകങ്ങളുടെ ആദ്യപ്രതികൾ ഏറ്റുവാങ്ങി.

വെള്ളായണി കാർഷിക കോളേജ് റിട്ട. പ്രൊഫസർ ഡോ. വി.ബി. പത്മനാഭൻ, റിട്ട. കൃഷി ജോയിന്റ് ഡയറക്ടർ ശ്രീ. എസ്.കെ. സുരേഷ്, പുസ്തകങ്ങളുടെ എഡിറ്റർമാരായ ശ്രീമതി. വിദ്യ എസ്., ശ്രീ. കെ.വി. ശ്രീരാജ് എന്നിവർ ചടങ്ങിൽ സംസാരിച്ചു.

കൃഷി ഡെപ്യൂട്ടി ഡയറക്ടർമാരായ ശ്രീ. അശോക് പി.ഐ., ശ്രീ. കെ.പി. സായ്രാജ്, ശ്രീ. അനിൽ നെടുങ്ങോട്, ശ്രീ. രാജ്മോഹൻ കൂവളശേരി തുടങ്ങിയ പ്രമുഖ വ്യക്തികളും ഭാഷാ ഇൻസ്റ്റിറ്റ്യൂട്ടിലെ ഉദ്യോഗസ്ഥരും ചടങ്ങിൽ പങ്കെടുത്തു.

സുഗന്ധവ്യഞ്ജന കൃഷിയിൽ താല്പര്യമുള്ളവർക്കും ചരിത്ര വിദ്യാർത്ഥികൾക്കും ഒരുപോലെ പ്രയോജനപ്പെടുന്ന രീതിയിലാണ് ഈ ഗ്രന്ഥങ്ങൾ തയ്യാറാക്കിയിരിക്കുന്നത്.

പ്രകൃതിയുടെ നിറക്കൂട്ടുകൾ

സയൻസ്&ടെക്നോളജി പ്രിൻസിപ്പൽ സെക്രട്ടറി ഡോ.കെ.പി സുധീർ,ആദ്യകോപ്പി വെള്ളായണി കാർഷിക കോളേജിലെ അഗ്രിക്കൾച്ചർ എഞ്ചിനീയറിങ് വിഭാഗം തലവൻ ഡോ.സേവിയർ. കെ.ജേക്കബിന് നൽകി പ്രകാശനം ചെയ്യുന്നു.CWRDM ഡയറക്റ്റർ ഡോ. മനോജ് പി.സാമുവൽ,ഇൻസ്റ്റിറ്റ്യൂഷൻ ഓഫ് എഞ്ചിനിയേഴ്സ് കേരള ഘടകം ചെയർമാൻ ശ്രീ കെ.എസ്.ഉദയകുമാർ,കൃഷി ജോയിന്റ് ഡയറക്റ്റർ ശ്രീ.എസ്.കെ.സുരേഷ്,അഗ്രിക്കൾച്ചർ എഞ്ചിനീയർ ശ്രീ. കിങ്‌സ്‌ലി ദാസ്,ഗ്രന്ഥകാരൻ,ശ്രീ.ജോൺസൺ റോച്ച് എന്നിവർ സമീപം