യുവാക്കൾക്കിടയിൽ വായന വർധിക്കുന്നു; കേരളം എഴുത്തുകാരുടെ പുണ്യഭൂമി : എം. മുകുന്ദൻ

വായനയിൽ മുന്നിൽ പെൺകുട്ടികൾ

പുസ്തകങ്ങൾ വാങ്ങി വായിക്കുന്നവരിൽ പെൺകുട്ടികളാണ് ഇന്ന് മുൻപന്തിയിലുള്ളതെന്ന് മുകുന്ദൻ നിരീക്ഷിച്ചു. ഡിജിറ്റൽ യുഗത്തിലും പുസ്തകങ്ങൾ ശക്തമായി അതിജീവിക്കുന്നു എന്നതിന്റെ തെളിവാണ് മലയാളത്തിൽ ഇറങ്ങുന്ന പുസ്തകങ്ങളുടെ വൻതോതിലുള്ള വിൽപ്പനയെന്നും അദ്ദേഹം പറഞ്ഞു.

"ഹിന്ദി ഉൾപ്പെടെയുള്ള ഇതര ഇന്ത്യൻ ഭാഷകളെക്കാൾ മലയാളം പുസ്തകങ്ങൾ ഇന്ന് വിറ്റഴിക്കപ്പെടുന്നു. ഇംഗ്ലീഷിൽ പതിനായിരം കോപ്പികൾ വിറ്റുപോകുന്ന പുസ്തകം ബെസ്റ്റ് സെല്ലർ പട്ടികയിൽ ഇടംപിടിക്കുമ്പോൾ, മലയാളത്തിൽ പല പുസ്തകങ്ങളും അമ്പതിനായിരത്തിലധികം കോപ്പികളാണ് വിറ്റുപോകുന്നത്." - എം. മുകുന്ദൻ

പുരസ്കാര സമർപ്പണം

'നമ്മുടെ കിടക്ക ആകെ പച്ച' എന്ന നോവലിന് അർഷാദ് ബത്തേരി എസ്.കെ. പൊറ്റെക്കാട്ട് പുരസ്കാരം എം. മുകുന്ദനിൽ നിന്നും ഏറ്റുവാങ്ങി. എഴുത്തുകാരൻ ഉണ്ണി അമ്മയമ്പലം അധ്യക്ഷത വഹിച്ച ചടങ്ങിൽ സാംസ്കാരിക രംഗത്തെ പ്രമുഖർ പങ്കെടുത്തു.

ഡോ. മുഞ്ഞിനാട് പത്മകുമാർ (ചെയർമാൻ), സുനിൽ സി.ഇ., വിനു എബ്രഹാം, ഡോ. ആശ നജീബ് എന്നിവരടങ്ങിയ ജൂറിയാണ് പുരസ്കാര ജേതാവിനെ തെരഞ്ഞെടുത്തത്. ചടങ്ങിൽ വിവിധ മത്സരങ്ങളിലെ വിജയികൾക്കുള്ള ഉപഹാരങ്ങളും മുകുന്ദൻ വിതരണം ചെയ്തു.

ചടങ്ങിലെ സാന്നിധ്യം

ചടങ്ങിൽ ഹർഷാദ് ബത്തേരി, എം. കുഞ്ഞാപ്പ, ഹാജറ കെ.എം., ഷീന വി.കെ., സുഭാഷ് പയ്യാവൂർ എന്നിവർ സംസാരിച്ചു. ഉത്തമരാജ് മാഹി സ്വാഗതവും റാണി പി.കെ. നന്ദിയും രേഖപ്പെടുത്തി. പുരസ്കാര ജേതാക്കൾക്കൊപ്പം കാതലിൻ മരിയ ജീസൺ, ശ്രീജ നടുവം, ഡോ. താഹിറ കല്ലുമുറിക്കൽ, സുമാ മഹേഷ്, കണ്ണനുണ്ണി തുടങ്ങി നിരവധി സാംസ്കാരിക പ്രവർത്തകരും ചടങ്ങിൽ സന്നിഹിതരായിരുന്നുvideo

VIDEO

https://www.youtube.com/watch?v=rKoT17nvdQI