താമരശ്ശേരി ഉപജില്ലാ കായികമേള: കന്നൂട്ടിപ്പാറ ഐ.യു.എം.എൽ.പി. സ്കൂളിന് കിരീടം

താമരശ്ശേരി: ഉപജില്ലാ എൽ.പി. സ്കൂൾ കായികമേളയിൽ 43 പോയിന്റോടെ കന്നൂട്ടിപ്പാറ ഐ.യു.എം.എൽ.പി. സ്കൂൾ ഓവറോൾ ചാമ്പ്യന്മാരായി. കോടഞ്ചേരി സെന്റ് ജോസഫ്‌സ് സ്കൂൾ ഗ്രൗണ്ടിൽ നടന്ന മത്സരത്തിൽ 21 പോയിന്റ് വീതം നേടിയ മണൽവയൽ എ.കെ.ടി.എം. സ്കൂളും കോരങ്ങാട് ജി.എൽ.പി. സ്കൂളും രണ്ടാം സ്ഥാനം പങ്കിട്ടു. വിജയികൾക്കുള്ള ട്രോഫികളും സർട്ടിഫിക്കറ്റുകളും ഉപജില്ലാ വിദ്യാഭ്യാസ ഓഫീസർ പൗളി മാത്യു വിതരണം ചെയ്തു.

​തുടർച്ചയായ രണ്ടാം വർഷവും കിരീടം നിലനിർത്തിയ കന്നൂട്ടിപ്പാറ ഐ.യു.എം.എൽ.പി. സ്കൂളിലെ കായികതാരങ്ങളെയും പരിശീലകരെയും വിദ്യാലയത്തിൽ നടന്ന ചടങ്ങിൽ അനുമോദിച്ചു. പരിശീലകൻ ഫൈസ് ഹമദാനി, കോഡിനേറ്റർ കെ.സി. ശിഹാബ്, പ്രധാനാധ്യാപിക ജസീന ഹുസൈൻ എന്നിവരെ സ്കൂൾ മാനേജ്‌മെന്റ് പ്രതിനിധികളും പി.ടി.എ ഭാരവാഹികളും ചേർന്ന് ആദരിച്ചു. വിജയത്തിൽ ആഹ്ലാദപ്രകടനവും നടന്നു.